«زارەچنايا» قوسالقى ستانساسىندا سەكسيانى اجىراتقىش ۇياشىقتار ورتەندى.
بۇگىن تاڭەرتەڭ استاناداعى قوسالقى ستانسالاردىڭ بىرىندە ءورت بولىپ، سالدارىنان 23 تۇرعىن ءۇي جارىقسىز قالدى، دەپ حابارلايدى اlmaty-akshamy.kz قالا اكىمدىگىنە سىلتەمە جاساپ.
مالىمەت بويىنشا، بۇگىن ساعات 8.20-دا قۋاتى 110/10 كۆ بولاتىن «زارەچنايا» قوسالقى ستانساسىندا سەكسيانى اجىراتقىش ۇياشىقتار ورتەنىپ، سالدارىنان №1 جانە №2 قۋاتتىق ترانسفورماتورلار اپاتتىق جاعدايدا توقتاتىلعان.
«ساعات 8.40-تا قوسالقى ستانساعا ءورت ءسوندىرۋشى توپ كەلىپ، ءتىلسىز جاۋدى سوندىرۋگە كىرىستى. ساعات 9.40-تا ءورت اۋىزدىقتالدى. تەحنولوگيالىق اقاۋدىڭ سەبەپتەرى انىقتالىپ جاتىر. اپاتتان كەيىن قالپىنا كەلتىرۋ بريگادالارى ورتەنگەن قوندىرعىلاردى اۋىستىرىپ، سىناقتان وتكىزەدى. ەلەكتر ەنەرگياسىن بەرۋ شەكتەلگەن 23 تۇرعىن ءۇي كەشەنى بار (ا.بايتۇرسىن ۇلى، ب.مومىش ۇلى، كەرەي-جانىبەك حاندار، ءا.بوكەيحان، تۇركىستان، ماڭگىلىك ەل، تەلمان كەنتى)»، - دەپ جازىلعان رەسمي مالىمەتتە.
اكىمدىكتەگىلەردىڭ حابارلاۋىنشا، ۇيلەرگە جارىق ەلەكتر قۋاتىن بەرۋ ورتەنگەن قوندىرعىلار تلوىق تەكسەرۋدەن ءوتىپ بولعاننان كەيىن بەرىلەدى.