تۋرنيرگە ءتۇرلى مەملەكەتتەن 400-گە جۋىق سپورتشى قاتىسىپ جاتىر.
استانادا ەركىن، گرەك-ريم جانە ايەلدەر كۇرەسىنەن ازيا چەمپيوناتى باستالدى، -دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
تۋرنيرگە ەلىمىزبەن قاتار جۇڭگو، جاپونيا، ءۇندىستان، موڭعوليا، يران، وڭتۇستىك كورەيا جانە تاعى دا باسقا 22 مەملەكەتتەن 400-گە جۋىق سپورتشى قاتىسىپ جاتىر.
مادەنيەت جانە سپورت ءمينيسترى اسحات ورالوۆتىڭ حابارلاۋىنشا، قازاقستاندىق جانە شەتەلدىك پالۋانداردى قولداۋعا كەلگەن جۇزدەگەن جانكۇيەر جاقسىلىق ۇشكەمپىروۆ اتىنداعى جەكپە-جەك سارايىنىڭ تريبۋنالارىن تولتىردى. چەمپيوناتتىڭ اشىلۋ سالتاناتىنا سونداي-اق بىرىككەن كۇرەس الەمىنىڭ (UWW) ۆيسە-پرەزيدەنتى احرولجون رۋزييەۆ، سونداي-اق UWW Asia جانە ق ر گرەك-ريم، ەركىن جانە ايەلدەر كۇرەسى فەدەراسياسىنىڭ پرەزيدەنتى داۋلەت تۇرلىحانوۆ قاتىستى.
«چەمپيوناتتىڭ سالتاناتتى اشىلۋىنان كەيىن مەن ءبىزدىڭ قۇرامانىڭ جاتتىعۋىن كورىپ، سپورتشىلارىمىزبەن كەزدەستىم. سونىمەن قاتار تۋرنير جۇلدەگەرلەرىن ماراپاتتادىم. اتاپ ايتقاندا، بۇگىن گرەك-ريم كۇرەسىنەن بەس سالماق دارەجەسى بويىنشا جۇلدەگەرلەر انىقتالدى.
ءبىزدىڭ ەلىمىزدە كۇرەستىڭ قاي ءتۇرى بولسىن ەڭ تانىمال سپورت تۇرلەرىنىڭ ءبىرى سانالادى جانە وسى دەڭگەيدەگى جارىستار ونىڭ دامۋىنا ودان ءارى ىقپال ەتەدى. ءوز كەزەگىندە، مەملەكەت باسشىسى مەن ءبىزدىڭ مينيسترلىك جاستار مەن كاسىبي سپورتشىلار ءۇشىن كۇرەسپەن اينالىسۋعا بارلىق جاعدايدى جاسايدى. جاڭادان ۇيىرمەلەر، زالدار اشىپ، ءتۇرلى تۋرنيرلەر وتكىزەتىن بولادى. سولاردىڭ ءبىرى – ەلوردادا تورىندە ءوتىپ جاتقان وسى ازيا بىرىنشىلىگى. ەلىمىزدىڭ پالۋاندارىنا ازيا چەمپيوناتىندا جوعارى دەڭگەيدە ونەر كورسەتىپ، جەڭىس تۇعىرىنا كوتەرىلۋدى تىلەيمىن»، - دەپ جازدى اسحات ورالوۆ.