استانادا پاراليمپيادالىق سپورت ءتۇرى – بوچچا بويىنشا قازاقستان رەسپۋبليكاسىنىڭ چەمپيوناتى باستالدى، دەپ حابارلايدى almaty-akshamy.kz
ءىرى سپورت سايىسىنىڭ اشىلۋىندا ءسوز العان سەنات ءتوراعاسى، قازاقستان بوچچا فەدەراسياسىنىڭ پرەزيدەنتى ماۋلەن اشىمبايەۆ ەلىمىزدە ينكليۋزيۆتى سپورتتى دامىتۋ ماڭىزدى ەكەنىن اتاپ ءوتتى.
«بۇگىن مۇندا بارشا قازاقستاننان جاس سپورتشىلار، ولاردىڭ اتا-انالارى، باپكەرلەرى كەلىپ وتىر. بۇگىن شىنايى سپورت مەرەكەسى دەپ اۋىز تولتىرىپ ايتا الامىز. بۇل شارا ەلىمىزدە ينكليۋزيۆتى، كەدەرگىسىز ورتانى قالىپتاستىرۋعا ۇلكەن ۇلەس قوسادى دەپ سەنەمىز. پرەزيدەنت قاسىم-جومارت توقايەۆتىڭ باستاماسىمەن مۇمكىندىگى شەكتەۋلى ازاماتتاردى، ەرەكشە قاجەتتىلىگى بار بالالاردى قورعاۋ، قولداۋ ءۇشىن كوپتەگەن ءىس-شارالار ىسكە اسىپ جاتىر. ونىڭ ىشىندە ساپالى ءبىلىم بەرۋ، مەديسينالىق قىزمەت، سونداي-اق سپورتپەن اينالىسۋعا جاعداي جاساۋ بار. ءالى دە اتقارىلاتىن شارۋا از ەمەس. بۇل تۇرعىدان العاندا ينكليۋزيۆتى سپورتتى دامىتۋ ماڭىزدى»، - دەدى ماۋلەن اشىمبايەۆ