جوبا جىلىنا 400 ملن تەڭگەگە دەيىن بيۋدجەتتى ۇنەمدەۋگە مۇمكىندىك بەرەدى.
استانا قالاسىنىڭ № 2 كوپ بەيىندى قالالىق اۋرۋحاناسىندا العاش رەت گوسپيتالدىق فارماسيانىڭ جاڭا بولىمشەسى اشىلدى، دەپ حابارلايدى اlmaty-akshamy.kz.
دەنساۋلىق ساقتاۋ مينيسترلىگىنىڭ حابارلاۋىنشا، بولىمشەنىڭ اشۋداعى باستى ماقسات – پاسيەنتتەرگە پرەپاراتتاردى جەتكىزۋ جۇيەسىن سيفرلاندىرۋ، دارىلىك زاتتاردىڭ دەربەستەندىرىلگەن ەسەبىن جۇرگىزۋ.
«مۇندا بەرىلەتىن دارى-دارمەكتەردىڭ سانى اۆتوماتتى تۇردە باقىلانادى. بۇل بولىمشەنىڭ بىرەگەيلىلىگى - مەديسينالىق دارى-دارمەكتەرگە جۇمسالاتىن شىعىستاردى ۇنەمدەۋ. سونىمەن قاتار، دۇرىس ەمەس تاعايىنداۋلار مەن ەمدەۋ ءقاۋپى ازايادى. الدىن الا ەسەپتەۋلەر بويىنشا جوبا جىلىنا 400 ملن تەڭگەگە دەيىن بيۋدجەتتى ۇنەمدەۋگە مۇمكىندىك بەرەدى»، - دەپ اتاپ ءوتتى ەلوردالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ.
گوسپيتالدىق فارماسيا بولىمشەسىنىڭ جوباسى بۇكىل الەمدە قولدانىلادى جانە حالىقارالىق تالاپتاردىڭ ءبىرى بولىپ تابىلادى. ءقازىر قالا بويىنشا 9 ستاسيونار جۇمىس ىستەيدى، الداعى ۋاقىتتا بۇل جۇيەنى بارلىق كوپ بەيىندى اۋرۋحانالارعا ەنگىزۋ جوسپارلانۋدا.
«جوبانىڭ نەگىزگى مىندەتى - دارىگەرلەردىڭ تاعايىنداۋى بويىنشا دارىلىك زاتتاردى ۋاقتىلى جانە ساپالى دايىنداۋ جانە ءبۋىپ-تۇيۋ، سونداي-اق ولاردى مەديسينالىق ۇيىمنىڭ كلينيكالىق جانە پارا-كلينيكالىق بولىمشەلەرىنە جەتكىزۋ. كلينيكالىق فارماكولوگ ءار پاسيەنتكە جاس، سالماق، قارسى كورسەتىلىمدەر، تاۋلىكتىك دوزا جانە ت.ب. پارامەترلەرى بويىنشا تاعايىندايدى. بۇل جوبانى ىسكە اسىرۋ كەزىندە ءبىزدىڭ كلينيكادا جۇمىس ىستەيتىن اكگيۋن اقپاراتتىق جۇيەسىنىڭ دايىندىعى ماڭىزدى ءرول اتقاردى»، - دەدى №2 كبا باس دارىگەرى نۇربول تۇرسىنبايەۆ.
اۋرۋحانا باسشىسى بولاشاقتا كلينيكانىڭ ەكى جەكە عيماراتىن بىرىكتىرەتىن جانە قابىلداۋ بولمەشەسىنىڭ حابىنا اينالاتىن جاڭا عيماراتتىڭ جوباسىن ۇسىندى. ءدال وسى جەردە بالالارعا ارنالعان جاڭا تراۆماتولوگيالىق پۋنكت اشۋ جوسپارلانۋدا.
اۋرۋحانادا پاسيەنتكە باعىتتالعان مودەلدى دامىتۋ ماقساتىندا - پاسيەنتتەردى قولداۋ قىزمەتى قادامدىق قولجەتىمدىلىكتە، ەلەكتروندىق كەزەك ەنگىزىلدى، پاسيەنتتەردى جوسپارلى ەمدەۋگە جاتقىزۋ الگوريتمى پىسىقتالدى. جاقىن ارادا بارلىق نيەت بىلدىرۋشىلەر ونلاين رەجيمدە بوس توسەك-ورىنداردىڭ سانىن كورە الادى، ول كلينيكانىڭ سايتىندا دا قولجەتىمدى بولادى.