«سارىارقا» ساۋدا، ويىن-ساۋىق ورتالىعىندا ەسكالاتور كەنەتتەن قاتتى ءجۇرىپ كەتكەن.
استاناداعى «سارىارقا» ساۋدا، ويىن-ساۋىق ورتالىعىندا ەسكالاتور كەنەتتەن قاتتى ءجۇرىپ كەتىپ، سالدارىنان ەكى ەرەسەك جانە ءبىر بالا زارداپ شەكتى. بولعان وقيعانى توتەنشە جاعدايلار مينيسترلىگىنىڭ رەسمي وكىلى رۋسلان يمانقۇلوۆ راستادى، دەپ حابارلايدى اlmaty-akshamy.kz.
«ەسىل اۋدانى، تۇران داڭعىلى، 24 مەكەنجايىنداعى «سارىارقا» سوو-دا الدىن الا مالىمەت بويىنشا، ەسكالاتور 3-قاباتتان 2-قاباتقا كەنەت قاتتى تۇسكەن. ول ۋاقىتتا ەسكالاتوردا 20-عا جۋىق ادام بولعان.
الدىن الا اقپاراتقا سايكەس، تومەنگە قاتتى تۇسۋدەن ەكى ەرەسەك جانە ءبىر بالا ازداعان دەنە جاراقاتىن الدى»، - دەدى ر.يمانقۇلوۆ.
رەسمي وكىلدىڭ ايتۋىنشا، وقيعا 31 ناۋرىز كۇنى ساعات 23.52-دە بولعان.
زارداپ شەككەن ادامدار مەديسينا ماماندارى قاراعاننان كەيىن ۇيلەرىنە جىبەرىلدى.