استانادا دجيۋ-دجيتسۋدان ۇلدار مەن قىزدار (U14)، جاسوسپىرىمدەر مەن قىزدار (U16)، كادەتتەر (U18)، جاستار (U21) اراسىنداعى الەم چەمپيوناتى ءوز مارەسىنە جەتتى، دەپ حابارلايدى Almaty-akshamy.kz.
ەلورداداعى جاقسىلىق ۇشكەمپىروۆ اتىنداعى «Jekpe-Jek» سارايىندا وتكەن چەمپيوناتتا الەمنىڭ 42 ەلىنەن 1207 سپورتشىلار ونەر كورسەتتى. قازاقستان رەسپۋبليكاسىنىڭ ۇلتتىق قۇراما كومانداسى اتىنان 194 سپورتشى ەل نامىسىن قورعادى. قازاقستاندىق سپورتشىلار بايراقتى باسەكەدە 13 التىن، 19 كۇمىس، 37 قولا مەدال الىپ، جالپى كوماندالىق ەسەپتە 3 ورىن الدى.
بۇگىنگى تاڭدا ەرەسەكتەر اراسىنداعى قازاقستان رەسپۋبليكاسىنىڭ ۇلتتىق قۇراما كومانداسى جوسپارلى تۇردە جازعى ازيا ويىندارىنا (حانچجوۋ) قارقىندى دايىندىق ۇستىندە.
جازعى ازيا ويىندارىنا ۇلتتىق قۇرامادان ەرلەر 4 سالماقتا (62، 69، 77، 85) جانە ايەلدەر 4 سالماقتا (48، 52، 57، 63) ونەر كورسەتەتىن بولادى.
