استانادا «DENI SAU ULT» اتتى ۇلتتىق مەديسينالىق سامميت ءوتتى. وعان ۇكىمەت مۇشەلەرى، پارالامەنت دەپۋتاتتارى، مەملەكەتتىك جانە جەكە مەنشىك مەديسينالىق ۇيىمداردىڭ دارىگەرلەرى، وبلىستىق دەنساۋلىق ساقتاۋ باسقارمالارىنىڭ باسشىلارى، وتاندىق جانە شەتەلدىك ساراپشىلار، سونداي-اق كاسىپكەرلەر قاتىستى.
شاراعا قاتىسۋشىلار الدىندا ءسوز العان ق ر پرەمەر-مينيسترىنىڭ ورىنباسارى تامارا دۇيسەنوۆا دارىگەرلەردىڭ حالىقتىڭ ءومىرى مەن دەنساۋلىعىن ساقتاۋ، وتاندىق مەديسينانىڭ دامۋى جولىنداعى ەڭبەگىن اتاپ ءوتىپ، العىس ءبىلدىردى. سونداي-اق ۆيسە-پرەمەر سالاعا قاتىستى ۇكىمەت قولعا العان شارالار تۋرالى ايتىپ ءوتتى.
«ءبىزدىڭ باستى ماقساتىمىز – حالىقتىڭ قولجەتىمدى ءارى ساپالى مەديسينالىق قىزمەت الۋى ءۇشىن جاعداي جاساۋ. قازىردە ەلىمىزدىڭ ءار ايماعىندا ماماندارىمىز كۇردەلى وتالار، ونىڭ ىشىندە جۇرەك-قان تامىرلارى اۋرۋلارىنا بايلانىستى وپەراسيالار جاساپ ءجۇر. بۇل مەديسينالىق قىزمەت ساپاسىن ايتارلىقتاي جاقسارتۋعا مۇمكىندىك بەردى. مەملەكەت باسشىسىنىڭ تاپسىرماسىنا سايكەس “اۋىلدىق دەنساۋلىق ساقتاۋدى جاڭعىرتۋ” ۇلتتىق جوباسى جۇزەگە اسىرىلۋدا. ونىڭ اياسىندا اۋىلداردا 655 العاشقى مەديسينالىق-سانيتاريالىق كومەك كورسەتۋ نىسانىن اشۋ ماقساتى تۇر. ولاردىڭ ءبىر بولىگى قازىردە اشىلىپ، جۇمىس ىستەپ تۇر»، — دەپ اتاپ ءوتتى تامارا دۇيسەنوۆا.
اتاپ وتەرلىگى، دەنساۋلىق ساقتاۋ مينيسترلىگى ۇيىمداستىرعان سامميت ەلىمىزدىڭ بارلىق وڭىرىنەن كەلگەن 1 500-گە جۋىق ادامنىڭ باسىن قوستى. شارا مەديسينا سالاسىنداعى سوڭعى جەتىستىكتەردى تالقىلاۋ مەن تاجىريبە الماسۋ الاڭىنا اينالدى.
سامميت اياسىندا ءداستۇرلى تۇردە ۇزىك قازاقستاندىق ماماندارعا «ALTYN SHIPAGER» ۇلتتىق مەديسينا سىيلىعى تابىستالدى. جەڭىمپازدار 17 اتالىم بويىنشا ماراپاتتالدى. ولاردىڭ قاتارىندا ستاسيونار، جەدەل جاردەم دارىگەرلەرى، اۋىلدىق جەرلەردەگى مەديسينا قىزمەتكەرلەرى، مەديسينالىق كوللەدج ۇستازدارى، پروۆيزورلار، فەلدشەرلەر، مەدبيكەلەر جانە ت.ب. ماماندار بار.