استاناداعى كوتەرمە جانە بولشەك ساۋدا بازارىندا ءورت شىعىپ، وقيعا ورنىنا ءورت سوندىرۋشىلەر جەتتى، دەپ حابارلايدى Aqshamnews.kz ءتىلشىسى توتەنشە جاعدايلار مينيسترلىگىنە سىلتەمە جاساپ.
ۆەدومستۆونىڭ مالىمەتىنشە، ءورت سارىارقا اۋدانىندا، ى. دۇكەن ۇلى كوشەسىندە ورنالاسقان بازاردا بولعان. ناقتىراق ايتقاندا، انگار تيپىندەگى ءبىر قاباتتى عيماراتتاعى ەكى بۋتيكتەن ءورت شىققان.
«وقيعا ورنىندا جەدەل شتاب قۇرىلدى. ءورت ءسوندىرۋ وقپاندارى ەنگىزىلىپ، ۇزدىكسىز سۋ بەرۋ قامتاماسىز ەتىلدى»، – دەلىنگەن حابارلامادا.
مينيسترلىك وكىلدەرى ءورت ءسوندىرۋ جۇمىستارىن كۇردەلەندىرگەن بىرنەشە سەبەپتى اتاپ ءوتتى: ءورت سوندىرۋشىلەر كەلگەن كەزدە جالىننىڭ قارقىندى تارالۋى، عيمارات قۇرىلىمىنىڭ ەرەكشەلىگى، جوعارى ءورت جۇكتەمەسى جانە قاتتى تۇتىندەۋ جاعدايى. قۇتقارۋشىلار عيماراتتى تولىق تەكسەرىپ شىقتى، ءورت شىققان ساتتە ىشىندە ادامدار بولماعان.
«ءورت سوندىرۋشىلەر جالىننىڭ تارالۋ ءقاۋپىن جويىپ، اشىق جانۋدى توقتاتتى. قازىرگى ۋاقىتتا تولىق ءسوندىرۋ جۇمىستارى اياقتالدى»، – دەپ حابارلادى تجم.
رەسمي مالىمەت بويىنشا، ءورت 08:47-دە تولىق ءسوندىرىلدى.
ابىروي بولعاندا، زارداپ شەككەندەر جوق.
ءورتتىڭ شىعۋ سەبەبى انىقتالىپ جاتىر.