ميلاندىق «ينتەر» كومانداسى الماتىلىق «قايراتتى» ءوز الاڭىندا 2:1 ەسەبىمەن جەڭدى، - دەپ حابارلايدى Aqshamnews.kz.
كەزدەسۋ 6 قاراشاعا قاراعان ءتۇنى يتاليانىڭ ميلان قالاسىنداعى ايگىلى «دجۋزەپپە مەاسسا» ستاديونىندا ءوتتى. بۇل - ءچل-دىڭ جالپى كەزەڭىندەگى ءتورتىنشى تۋر ويىنى بولدى.
ويىننىڭ العاشقى مينۋتتارىندا الاڭ يەلەرى دوپقا تولىق يەلىك ەتىپ، «قايراتتىڭ» قاقپاسىنا بىرنەشە ءقاۋىپتى شابۋىل جاسادى. 18-مينۋتتا «ينتەردىڭ» قورعاۋشىسى يان-اۋرەل بيسسەك پەن «قايرات» ويىنشىسى وفري ارادتىڭ اراسىنداعى ەپيزودتان كەيىن تورەشى VAR جۇيەسىنە جۇگىندى، ءبىراق پەنالتي بەلگىلەنگەن جوق.
45-مينۋتتا ميلاندىقتار ەسەپ اشتى. فەدەريكو ديماركونىڭ پاسىنان كەيىن لاۋتارو مارتينەس قازاقستاندىق كلۋبتىڭ قاقپاسىن ءدال كوزدەپ، «ينتەرگە» العاشقى گولدى سىيلادى.
ءبىرىنشى تايم 1:0 ەسەبىمەن اياقتالدى.
ەكىنشى تايمنىڭ باسىندا «قايرات» ساپىندا ەركىن تاپالوۆ الاڭعا شىقتى. ال 56-مينۋتتا الماتىلىق كوماندا بۇرىشتامادان كەيىن ناتيجەلى سوققى جاساپ، ەسەپتى تەڭەستىردى. گولدىڭ اۆتورى — قورعاۋشى وفري اراد.
الايدا 67-مينۋتتا «ينتەر» قايتا العا شىقتى. سەباستيانو ەسپوزيتونىڭ پاسىن پايدالانىپ، كارلوس اۋگۋستو دوپتى قاقپاعا ءدوپ ءتۇسىردى — 2:1. قالعان ۋاقىتتا ەسەپ وزگەرمەدى.
وسىلايشا، ميلاننىڭ «ينتەرى» «قايراتتى» جەڭىپ، ءوز الاڭىنداعى ماڭىزدى ءۇش ۇپايدى ەنشىلەدى.
ايتا كەتەيىك، بۇل ماچقا دەيىن يتاليالىق كوماندا چەمپيوندار ليگاسىندا بىردە-بىر گول جىبەرمەگەن ەدى. ال «قايراتتىڭ» بۇگىنگى گولى سول سەريانى ءۇزدى.