ەل بويىنشا 10 كۇن بويى يگى ىستەر اتقارىلادى، دەپ حابارلايدى aqshamnews.kz
قازاقستاندا «مەيىرىمدى قازاقستان» الەۋمەتتىك اكسياسى باستاۋ الدى. بۇل باستاما ءوزارا قولداۋ مادەنيەتىن نىعايتۋعا، الەۋمەتتىك جاۋاپكەرشىلىكتى ارتتىرۋعا جانە جاستاردى يگى ىستەرگە تارتۋعا باعىتتالعان. اكسيا اياسىندا ەلىمىزدىڭ وڭىرلەرىندە جاستار ۇيىمدارى مەن ەرىكتىلەردىڭ قاتىسۋىمەن قايىرىمدىلىق جانە ۆولونتەرلىك ءىس-شارالار كەشەنى وتكىزىلەدى.
اكسيانىڭ ون كۇنى جەكە-جەكە تاقىرىپتارعا ارنالماق. اتاپ ايتقاندا، جالعىزباستى زەينەتكەرلەرگە كومەك كورسەتۋ، قارتتار مەن بالالار ۇيلەرىن قولداۋ، مەديسينالىق مەكەمەلەردە دونورلىق اكسيالار وتكىزۋ، از قامتىلعان وتباسىلارعا اتاۋلى كومەك كورسەتۋ، سونداي-اق كوممۋنالدىق قىزمەت قىزمەتكەرلەرىن قولداۋعا باعىتتالعان قوعامدىق باستامالار جۇزەگە اسىرىلادى.
باستاما شىعىس قازاقستان وبلىسىنداعى جاستار رەسۋرستىق ورتالىعىنىڭ الاڭىندا باستالدى. اكسيا ەلىمىزدىڭ بارلىق وڭىرلەرىن قامتيدى.