پروكۋرورلار استانانىڭ ۇلەسكەرلەرىنە ەسكەرتۋ جاسادى.
پروكۋرورلار استانانىڭ ۇلەسكەرلەرىنە ەسكەرتۋ جاساپ، قانداي جاعدايدا ۇلەستىك قۇرىلىسقا ينۆەستيسيا سالۋعا بولاتىنىن ەسكە سالدى، - دەپ حابارلايدى اlmaty-akshamy.kz ەلوردا پروكۋراتۋراسىنىڭ سايتىنا سىلتەمە جاساپ.
«پروكۋراتۋرا ازاماتتارعا زاڭدى اينالىپ ءوتۋ ءۇشىن الدىن الا شارت، نيەت شارتى، ينۆەستيسيا، برونداۋ جانە وسى سياقتى جاسىرىن شارتتار جاساساتىن جوسىقسىز قۇرىلىس كومپانيالارىنان اباي بولۋ كەرەكتىگىن ەسكەرتەدى. ەلدىڭ قاراجاتىن تارتۋ ءۇشىن قۇرىلىس سالۋشىلار تۇرعىن ءۇي قۇرىلىسىنا ۇلەستىك قاتىسۋ جونىندە شارت جاساسۋعا مىندەتتى»، - دەيدى قالالىق پروكۋراتۋرا.
ۆەدومستۆو مالىمەتىنشە، سوڭعى 6 جىلدا ۇلەسكەرلەردىڭ مۇددەسى ءۇشىن 104 ميلليارد تەڭگەگە 143 تالاپ ارىز جازىلعان. ناتيجەسىندە 15 قىلمىستىق ءىس قوزعالىپ، 45 ادام سوتتالىپ، 147 ادام اكىمشىلىك جاۋاپقا تارتىلعان.
تەك ەكى جاعدايدا عانا قۇرىلىس سالۋشى ۇلەسكەرلەردىڭ اقشاسىن ۇلەستىك قاتىسۋ تۋرالى شارتسىز تارتا الادى:
- قازاقستاندىق تۇرعىن ءۇي كومپانياسىمەن شارت بولسا
- قۇرىلىس سالۋشىدا اكىمدىكتىڭ رۇقساتى بولعان جاعدايدا.
«بارلىق ازاماتتاردى مۇقيات بولۋعا جانە ءوز اقشالارىمەن تاۋەكەل ەتپەۋگە شاقىرامىز»، - دەدى پروكۋراتۋرا.