قازىرگى ۋاقىتتا استانا - ششۋچينسك تاسجولىندا ۇلكەن جول اپاتى ورىن الدى. shchuchinsk_life الەۋمەتتىك جەلىسىندە جاريالانعان ۆيدەودە ونداعان كولىكتىڭ اپاتقا ۇشىراعانى كورىنەدى. اپاتتىڭ ناقتى سەبەپتەرى مەن سالدارلارى تۋرالى رەسمي اقپارات ازىرگە جاريالانعان جوق.
«قازاۆتوجول» ۇلتتىق كومپانياسى بۇگىن تاڭەرتەڭ ءوزىنىڭ رەسمي حابارلاماسىندا وسى جولدا اۋا رايىنىڭ ناشارلاۋىنا بايلانىستى قوزعالىستىڭ شەكتەلگەنىن مالىمدەدى. بۇل وڭىردە قالىڭ قار جاۋىپ، جولدى مۇز باسقان. تۇمان ءتۇسىپ، جول كورىنبەي قالعان. وسىعان بايلانىستى قازىرگى تاڭدا بۇل تاسجولدا بارلىق كولىك تۇرلەرى ءۇشىن قوزعالىسقا شەكتەۋلەر ەنگىزىلگەن.