"استانا" قازاقستان چەمپيوناتىندا كوش باستادى

"استانا" قازاقستان چەمپيوناتىنىڭ 24-تۋرى اياسىندا "اتىراۋدى" قابىلداپ، سەنىمدى جەڭىسكە جەتتى. گريگوريي بابايان شاكىرتتەرى ءوز جانكۇيەرلەرىن كەزەكتى ءىرى جەڭىسىمەن قۋانتتى – 5:1. ەلوردالىق كلۋب ويىنشىلارىنان پورتۋگاليالىق پەدرو ەۋجەنيو حەت-تريك (ءقازىر ول 16 گولمەن ليگانىڭ ۇزدىك سۇرمەرگەنى) جاساسا، ابات ايىمبەتوۆ پەن مارين توماسوۆتار ءبىر گولدان سوقتى. قوناقتار ساپىنان پاۆەل دولگوۆ كوزگە ءتۇستى.

ءقازىر 47 ۇپاي جيناعان "استانا" قپل-2022 تۋرنيرىندە ءبىرىنشى ورىندا تۇر. دەگەنمەن بۇگىن، 24 قازاندا "اقتوبە" "تۇراننان" باسىم تۇسسە، كوشباسشىلىق پوزيسياسىن قايتارىپ الۋى مۇمكىن.

ال "قىزىل-جار" ورالدا جەرگىلىكتى "اقجايىقپەن" تەڭ وينادى. قازاقستان چەمپيوناتىنىڭ 24-تۋرى اياسىنداعى ماچتا "قىزىل-جاردى" جەڭە الماعان "اقجايىق" ءوز الاڭىنداعى كەزدەسۋدى 2:2 ەسەبىمەن اياقتادى. ءبىرىنشى تايمدا ورالدىقتار ويىندى ءساتتى باستاپ، 22-مينۋتتا ەكى گول سوعىپ، توما تاباتادزە مەن لۋكا يمنادزە، ال "قىزىلجار" ساپىنان ەلگۋدجا لوبجانيدزە ءبىر گول سوقتى. ەكىنشى تايمنىڭ 88-مينۋتىندا "قىزىلجار" ويىنشىسى پاۆەل ياكوۆليەۆ ەسەپتى تەڭەستىرىپ، "اقجايىقتى" تۋرنير كەستەسىندە سوڭعى ورىندا قالدىردى. قازىرگى تاڭدا ورالدىقتاردىڭ ەنشىسىندە 24 ۇپاي بولسا، "قىزىلجاردىڭ" اكتيۆىندە 27 ۇپاي بار.

"ماقتاارال" كەزەكتى ماچتا ءوز الاڭىندا "توبىلدان" ايلاسىن اسىردى. "تۇركىستان-ارەنادا" وتكەن كەزدەسۋ 2:1 ەسەبىمەن اياقتالدى. ماچتىڭ ءبىرىنشى تايمىندا كونستانتين گوروۆەنكو شاكىرتتەرى الەكسەي نوسكو مەن رامازان كارىموۆتىڭ ارقاسىندا ەكى گول سوقتى. ۇزىلىستەن كەيىن ەل چەمپيوندارى ءبىر گول سوقتى. قوستانايلىق فۋتبولشىلاردان ۆلاديسلاۆ ۆاسيليەۆ كوزگە ءتۇستى. سونىمەن قاتار، سەرىكجان مۋجيكوۆ ويىن سوڭىندا قىزىل قاعاز الدى. ءبىراق "توبىل" جەڭىلىستەن قاشىپ قۇتىلا المادى. وسىلايشا ونىڭ چەمپيوندىقتا دەگەن مۇمكىندىگى ايتارلىقتاي تومەندەدى. وسىلايشا "ماقتاارال" اۋتسايدەرلەر ايماعىنان شىقتى. ءقازىر قپل دەبيۋتانتىندا 27 ۇپاي بار.

قازاقستان چەمپيوناتىنىڭ 24-تۋرى اياسىنداعى ويىندا "قايرات" سىرت الاڭدا "شاحتەردى" ۇتىپ، قولا جۇلدەگە مۇمكىندىگىن ساقتاپ قالدى. قاراعاندىدا وتكەن كەزدەسۋ 2:0 ەسەبىمەن قوناقتاردىڭ پايداسىنا اياقتالدى. ءبىرىنشى تايمدا الماتىلىق كلۋبتىڭ شابۋىلشىسى ارتۋر شۋشەناچيەۆ گول سوقتى. ۇزىلىستەن كەيىن الماتىلىق شابۋىلشى بۇرىشتان بەرىلگەن پاستى ءساتتى ورىنداپ، دۋبل اۆتورى اتاندى. "قايراتتىڭ" ءقازىر 39 ۇپايى بار جانە "توبىلدان" ەكى ۇپايعا ارتتا قالىپ، ءتورتىنشى ورىندا تۇر. "شاحتەر" جەڭىلىستەر سەرياسىن بەس ويىنعا دەيىن ۇزارتتى. سوڭعى رەت ۆاحيد ماسۋدوۆ شاكىرتتەرى 10 قىركۇيەكتە ءۇش ۇپاي جينادى.

بۇگىن، 24 قازاندا پرەمەر-ليگا كوماندالارى اراسىنداعى فۋتبولدان قازاقستان چەمپيوناتىنىڭ 24ء-شى تۋرىنىڭ تاعى ءۇش ويىنى وتەدى. 15:00-دە "تاراز" "كاسپييدى" قابىلدايدى. ساعات 17:00-دە "اقسۋ" - "ورداباسى" ويىنى باستالادى. ال ساعات 19:00-دە "اقتوبە" ءوز ستاديونىندا "تۇرانعا" قارسى ويىن وتكىزىپ، "استانادان" كوشباسشىلىقتى قايتارىپ الۋعا تىرىسادى.