ىشكى ىستەر مينيسترلىگى مەن ۇلتتىق قاۋىپسىزدىك كوميتەتىنىڭ قىزمەتكەرلەرى استانا جانە الماتى قالالارىندا ءبىرقاتار اۋىر جانە اسا اۋىر قىلمىستاردى جاساعان قىلمىستىق قاۋىمداستىق مۇشەلەرىن ۇستادى.
كۇدىكتىلەرگە ادام ۇرلاۋ، بوپسالاۋ جانە بوتەننىڭ مۇلكىن قاساقانا جويۋ فاكتىلەرى بويىنشا ايىپ تاعىلىپ وتىر.
الماتى قالاسىنداعى ەپيزودتاردىڭ بىرىندە قاسكويلەر جەرگىلىكتى تۇرعىندى ۇرلاپ، كۇش قولدانىپ، ودان 12 ملن تەڭگە تالاپ ەتكەن.
بيزنەس وكىلدەرىنە قىسىم كورسەتۋ، سونداي-اق ولاردى قورقىتۋ ماقساتىندا اۆتوكولىكتەردى ورتەۋ فاكتىلەرى تىركەلدى.
20-دان استام ءتىنتۋ جۇرگىزىلىپ، ءىرى كولەمدەگى اقشا، سۋىق قارۋ جانە وزگە دە زاتتاي دالەلدەمەلەر تاركىلەندى. التى كۇدىكتى ۋاقىتشا ۇستاۋ يزولياتورىنا قامالدى.
جەدەل-تەرگەۋ ءىس-شارالارى جالعاسىپ جاتىر.