جۇلدە قورى – 11،3 ملن تەڭگە. ءمۇشايرا قورىتىندىسى استانا كۇنى قارساڭىندا جاريالانادى.
قازاقستاندا استانا كۇنىنە ارنالعان رەسپۋبليكالىق جىر ءمۇشايراسى وتەدى.
ءمۇشايرانىڭ جۇلدە قورى:
- باس جۇلدە – 3،3 ملن تەڭگە؛
- ءبىرىنشى ورىن – 2،2 ملن تەڭگە؛
- ەكى ەكىنشى ورىن – 1،1 ملن تەڭگە؛
- ءۇش ءۇشىنشى ورىن – 660 مىڭ تەڭگە؛
- بەس ىنتالاندىرۋ سىيلىعى – 330 مىڭ تەڭگە.
ءمۇشايراعا ەش جەردە جارىق كورمەگەن ولەڭدەر، تولعاۋلار قاتىسا الادى. ۇمىتكەرلەر شىعارماسىن 2023 جىلدىڭ 15 ماۋسىمىنا دەيىن استانا قالاسىنداعى «تاريحي مادەني مۇرانى ساقتاۋ جانە پايدالانۋ ورتالىعىنا» وتكىزۋگە ءتيىس. حاتتا اۆتوردىڭ ءاتى-جونى، مەكەنجايى، بايلانىس تەلەفونى، ەلەكتروندىق پوشتاسى مىندەتتى تۇردە كورسەتىلۋى كەرەك.
ءمۇشايرا قورىتىندىسى استانا كۇنى قارساڭىندا جاريالانىپ، ماراپاتتاۋ ءراسىمى 30 ماۋسىم كۇنى استانا قالاسىنىڭ «جاستار» تەاترىندا وتەدى.
«استانانى جىرلاۋ – ازاتتىقتى جىرلاۋ، تاريحىمىزدى جىرلاۋ، ۇلت بولاشاعىن جىرلاۋ، تاۋەلسىزدىك جولىندا قۇربان بولعان ەرلەر رۋحىن جىرلاۋ دەپ بىلگەنىمىز ءجون. سوندىقتان دا بيىلعى ءمۇشايرانىڭ تاقىرىپ اياسى بارىنشا كەڭ. جۇلدە قورى دا وتە قوماقتى. ادىلەتتى قازاقستان قۇرۋعا بەت بۇرىپ وتىرعان تاريحي كەزەڭدە اقىنداردى وسى ءدۇبىرلى جىر بايگەسىنە قاتىسۋعا شاقىرامىز»، – دەپ جازىلعان حابارلاندىرۋدا.