ەلوردا كۇنى قارساڭىندا ەلىمىزدە استانا ەسىمىن يەلەنگەن قانشا قازاقستاندىق تۇراتىنى بەلگىلى بولدى.
- ۇلتتىق ستاتيستيكا بيۋروسىنىڭ مالىمەتىنشە، بۇگىندە قازاقستاندا استانا ەسىمدى 26 ادام تۇرادى. ونىڭ 18ء-ى ەر، 8ء-ى ايەل ەكەن. ولاردىڭ ىشىندە 17 ادامعا عانا ەلوردا قۇرمەتىنە استانا ەسىمى بەرىلگەن، قالعاندارىنا 1998 جىلعا دەيىن وسى ەسىم قويىلعان.
- ەلىمىزدە بالالارىنا «استانا» ءسوزى كەزدەسەتىن ەسىم قويعان وتباسىلار دا كەزدەسەدى. ماسەلەن، قىزدار اراسىندا استاناي، ۇلدار اراسىندا استانالي، نۇراستانا سياقتى ەسىم يەلەنگەن قازاقستاندىقتار بار.
- تاعى ءبىر قىزىق دەرەك. ەلوردانىڭ باستى كورىكتى جەرلەرىنىڭ ءبىرى «بايتەرەك» مونۋمەنتى قۇرمەتىنە 41 ادامعا، قازاقشا «بايتەرەك» ترانسكريپسياسىندا 31 ادامعا ەسىم بەرىلگەن.
- فرانسيادا دا استانا ەسىمدى قىز تۇراتىنىن ايتا كەتكەن ءجون.
- 2016 جىلى استانا ەسىمىمەن 10 ادام، بايتەرەك ەسىمىمەن 53 ادام تىركەلگەن.
بۇگىن قازاقستاننىڭ استاناسى 25 جىلدىعىن اتاپ وتەدى. پرەزيدەنتتىڭ 1997 جىلعى 20 قازانداعى جارلىعىنا سايكەس 1997 جىلعى 10 جەلتوقساننان باستاپ قازىرگى استانا – بۇرىنعى اقمولا ەلوردا بولىپ جاريالاندى. قازاقستاننىڭ جاڭا استاناسىنىڭ رەسمي تۇساۋكەسەرى 1998 جىلى 10 ماۋسىمدا ءوتتى.