اسسامبلەيا رەفورمالاردى قوعامدىق تۇرعىدا قولداۋدى كەڭەيتۋگە ىقپال ەتتى.
بۇل تۋرالى بۇگىن ەلوردادا قازاقستان حالقى اسسامبلەياسىنىڭ سەسسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
پرەزيدەنتتىڭ ايتۋىنشا، ەلىمىزدەگى اۋقىمدى تۇرلەندىرۋ بارىسىندا اسسامبلەياعا ەرەكشە كوڭىل ءبولىندى. بۇل بىرەگەي ينستيتۋت حالىقارالىق وزىق تاجىريبەگە تولىعىمەن سايكەس كەلەتىن پارلامەنتتىك وكىلدىكتىڭ جاڭا تەتىكتەرىنە يە بولدى.
سونىمەن قاتار قاسىم-جومارت توقايەۆ اسسامبلەيانىڭ ۇسىنىسى بويىنشا پرەزيدەنت تاعايىندايتىن سەناتتىڭ بەس دەپۋتاتى زاڭنامالىق دەڭگەيدە كەرى بايلانىستى، قوعامدىق باقىلاۋدى قامتاماسىز ەتۋگە جانە پارلامەنتتە قازاقستاننىڭ بارلىق ەتنوستارىنىڭ مۇددەلەرىن بىلدىرۋگە جۇمىلدىرىلعانىن ايتتى.
مۇنىمەن قوسا، اسسامبلەيانىڭ 12 مۇشەسى ۇلتتىق قۇرىلتاي قۇرامىنا ەنىپ، ونىڭ جۇمىسىنا جالپىۇلتتىق ديالوگتىڭ امبەباپ ۇلگىسىن ىلگەرىلەتۋدە باعا جەتپەس تاجىريبە اكەلدى.
مەملەكەت باسشىسىنىڭ سوزىنە قاراعاندا، اسسامبلەيا ەلىمىزدىڭ ساياسي جاڭعىرۋىندا، جالپىۇلتتىق بىرلىكتى نىعايتۋدا ماڭىزدى ءرول اتقاردى. اسسامبلەيا رەفورمالاردى قوعامدىق تۇرعىدا قولداۋدى كەڭەيتۋگە، مەملەكەت دامۋىنىڭ ستراتەگيالىق مىندەتتەرىن شەشۋگە بارلىق ەتنوستاردى تارتۋعا ىقپال ەتتى.
بۇدان بۇرىن حابارلانعانداي، پرەزيدەنت قاسىم-جومارت توقايەۆتىڭ قاتىسۋىمەن قازاقستان حالقى اسسامبلەياسىنىڭ ءحححىى سەسسياسى باستالدى.
ءحححىى سەسسيانىڭ تاقىرىبى – «ادىلەتتى قازاقستان: بىرلىك، تۇراقتىلىق، دامۋ».