ءمينيستردىڭ پىكىرىنشە، قازاقستانداعى سەنزۋرا مەن ءسوز بوستاندىعىنا بايلانىستى جاعداي ۋشىعىپ تۇرعان جوق.
اقپارات جانە قوعامدىق دامۋ ءمينيسترى اسقار وماروۆ قازاقستانداعى ءسوز بوستاندىعىن بەس بالدىق مەجە بويىنشا 4،9 بالعا باعالادى، دەپ حابارلايدى Almaty-akshamy.kz.
«مەن 5 دەگەن باعا بەرەر ەدىم، ءبىراق سىزدەر سەنبەيسىزدەر عوي. سول سەبەپتى 4،9»، - دەدى وماروۆ.
ونىڭ ايتۋىنشا، جۋرناليستەر سپيكەرلەرگە قالاعان سۇراقتارىن ەمىن-ەركىن قويا الادى.
«مىنە، ءدال ءقازىر ءسىز مىنا جەردە تۇرىپ، مەنەن سۇراپ جاتىرسىز. ەگەر ءسوز بوستاندىعى بولماسا، ءسىز ماعان سۇراق قويا المايتىن ەدىڭىز»، - دەدى ۆەدومستۆو باسشىسى.
وماروۆ مينيستر قىزمەتىنە تاعايىندالعالى بىردە-بىر رەداكسياعا ماتەريالدى الىپ تاستاۋ نەمەسە تاقىرىبىن وزگەرتۋ تۋرالى وتىنىشپەن تەلەفون شالماعانىن ايتتى.