ق ر پرەمەر-مينيسترى اسقار مامين رف ۇكىمەتى ءتوراعاسىنىڭ ورىنباسارلارى الەكساندر نوۆاك پەن الەكسەي وۆەرچۋك باستاعان دەلەگاسيانى قابىلدادى
تاراپتار وتىن-ەنەرگەتيكا سەكتورىنداعى — جەر قويناۋىن پايدالانۋ، مۇناي جانە گاز، ەلەكتر ەنەرگەتيكاسى سالالارىنداعى ىنتىماقتاستىقتىڭ وزەكتى ماسەلەلەرىن تالقىلادى، دەپ حابارلايدى Almaty-akshamy.kz رrimeminister.kz-كە سىلتەمە جاساپ
سۋتەگى ەنەرگەتيكاسى سالاسىنداعى ىنتىماقتاستىق پەرسپەكتيۆالارىنا، قازاقستاننىڭ سولتۇستىك جانە شىعىس وڭىرلەرىن گازداندىرۋعا رەسەيلىك كومپانيالاردىڭ قاتىسۋى ماسەلەسىنە ەرەكشە نازار اۋدارىلدى. رەسەيدەن قازاقستانعا ديزەل وتىنىن جەتكىزۋ، رەسەي كومىرسۋتەكتەرىنىڭ ق ر اۋماعى ارقىلى تاسىمالدانۋى جانە ت. ب. ماسەلەلەر قارالدى. مۇناي-گاز حيمياسى سالاسىندا — پوليپروپيلەن، پوليەتيلەن، بۋتاديەن جانە ونىڭ تۋىندىلارىن ءوندىرۋ بويىنشا بىرلەسكەن جوبالاردى ىسكە اسىرۋ بارىسى تالقىلاندى.
«سامۇرىق-قازىنا» اق مەن «قازمۇنايگاز» ۇك» اق «سيبۋر حولدينگ» جاق-پەن بىرلەسىپ، اتىراۋ قالاسىنداعى ينتەگراسيالانعان گاز-حيميا كەشەنىنىڭ بازاسىندا 2022 جىلدىڭ باسىندا جىلىنا 500 مىڭ توننا پوليپروپيلەن وندىرەتىن بىرلەسكەن كاسىپورىن اشۋدى جوسپارلاۋدا. تاراپتار جىلىنا 1،25 ملن توننا پوليەتيلەن وندىرەتىن زاۋىت قۇرىلىسىنىڭ بىرلەسكەن جوباسىن ىسكە اسىرۋ ماسەلەسىن قاراستىرىپ جاتىر. «قازمۇنايگاز» ۇك» اق «تاتنەفت» جاق-پەن بىرلەسىپ، بيتۋم موديفيكاسياسىندا قولدانىلاتىن بۋتاديەن كاۋچۋكتەرىن ءوندىرۋ، ادگەزيۆتەر، جەلىمدەر، رەزەڭكەلەر جانە ەكولوگيالىق تازا شينالار دايىنداۋ بويىنشا بىرلەسكەن جوبانى ىسكە اسىرۋدا. جوبانى ىسكە اسىرۋ مەرزىمى – 2021-2025 جىلدار، ءوندىرىس قۋاتى – جىلىنا 186 مىڭ توننا بۋتاديەن كاۋچۋكتەرى مەن 170 مىڭ توننا يزوبۋتان. تاراپتار ەكىجاقتى جانە كوپجاقتى فورماتتاعى ستراتەگيالىق ءوزارا ءىس-قيمىلدىڭ بارلىق باعىتتارى بويىنشا ودان ءارى سىندارلى كەلىسسوزدەر جۇرگىزۋگە ازىرلىگىن راستادى.
كەزدەسۋگە ق ر پرەمەر-مينيسترىنىڭ ورىنباسارى رومان سكليار، «سامۇرىق-قازىنا» اق باسقارما ءتوراعاسى الماسادام ساتقالييەۆ، ەنەرگەتيكا ءمينيسترى ماعزۇم مىرزاعالييەۆ، «قازمۇنايگاز» ۇك» اق باسقارما ءتوراعاسى اليك ايداربايەۆ، «قازترانسگاز» اق باس ديرەكتورى قايرات شارىپبايەۆ، «قازاتومونەركاسىپ» ۇاك» اق باسقارما ءتوراعاسى ءماجيت ءشارىپوۆ قاتىستى.