پرەمەر-مينيستر اسقار مامين اۋىل شارۋاشىلىعى مينيسترلىگى مەن اكىمدىكتەرگە ەلىمىزدىڭ باتىسى مەن وڭتۇستىگىندەگى وڭىرلەردى جەم-شوپ ماسەلەسى بويىنشا قولداۋدى تاپسىردى، دەپ حابارلايدى almaty-akshamy.kz qazaqparat.kz سىلتەمە جاساپ.
«بيىلعى جازدا ەرەكشە قۋاڭشىلىق بولدى، سونىڭ سالدارىنان ەلىمىزدىڭ باتىسى مەن وڭتۇستىگىندە ءبىرقاتار وڭىرلەر زارداپ شەكتى. قۋاڭشىلىقتىڭ سالدارىن جويۋ ءۇشىن جەدەل شارالار قابىلداندى. زارداپ شەككەن وڭىرلەردى جەم-شوپپەن قامتاماسىز ەتۋ ماسەلەلەرىن شەشۋ ءۇشىن جەرگىلىكتى جانە ورتالىق اتقارۋشى ورگانداردىڭ قىزمەتىن ۇيلەستىرۋ جونىندەگى رەسپۋبليكالىق جەدەل شتاب جۇمىس ىستەۋدە. جەم-شوپ ساتىپ الۋ ءۇشىن ۇكىمەت رەزەرۆىنەن ماڭعىستاۋ جانە قىزىلوردا وبلىستارىنا 3،6 ملرد تەڭگە ءبولىندى. سونداي-اق جەم-شوپ دايىنداۋعا قوسىمشا 43،1 مىڭ توننا ارزان ديزەل وتىنى ءبولىندى. سولتۇستىك وڭىرلەردەن جەم-شوپ جەتكىزىلدى. باتىس وڭىرلەردى جەم-شوپپەن قامتاماسىز ەتۋ ماسەلەسىنە ۆولونتەرلەر دە كىرىستى»، - دەدى ا. مامين ۇكىمەت وتىرىسىندا.
ونىڭ ايتۋىنشا، رەسپۋبليكادان كەسەك جەم-شوپتى شىعارۋعا جانە جەمدىك استىق ەكسپورتىنا كۆوتا بەرۋگە ۋاقىتشا تىيىم سالىندى. قابىلدانعان شارالاردىڭ ارقاسىندا جەم-شوپپەن قامتاماسىز ەتۋ ماسەلەسى جالپى تۇراقتاندى.
«اۋىل شارۋاشىلىعى مينيسترلىگى مەن اكىمدىكتەر وسى باعىتتاعى جۇمىستى جالعاستىرىپ، جاعدايدى ەرەكشە باقىلاۋدا ۇستاۋى قاجەت»، - دەدى ۇكىمەت باسشىسى.