تاراپتار اوك سالاسىنداعى ىنتىماقتاستىقتى دامىتۋ كەلەشەگىن تالقىلادى.
قازاقستان پرەمەر-مينيسترى اسقار مامين نيدەرلاندىنىڭ جەتەكشى كومپانيالارىمەن اوك جوبالارىن ىسكە اسىرۋ ماسەلەسىن تالقىلادى، دەپ حابارلايدى Almaty-akshamy.kz Primeminister.kz سايتىنا سىلتەمە جاساپ.
قازاقستان رەسپۋبليكاسىنىڭ پرەمەر-مينيسترى اسقار مامين نيدەرلاندىنىڭ جەتەكشى اگروونەركاسىپتىك كومپانيالارىنىڭ – جىلىجايلار، اۋىل شارۋاشىلىعى جابدىقتارى، تۇقىمدار، وسىمدىكتەردى بيولوگيالىق قورعاۋ سالاسىنداعى الەمدىك كوشباسشى كومپانيالاردىڭ باسشىلىعىمەن كەلىسسوز وتكىزدى.
قازاقستانعا كەلگەن نيدەرلاندىق بيزنەس دەلەگاسياسىنىڭ قۇرامىنا KUBO، Dutch Greenhouse Delta، Van der Hoeven Horticultural Projects، Certhon، Gakon، Koppert Biological Systems، Food Ventures، Hoogendoorn، Svensson، Priva، HVA International، Dalsem، Rijk Zwaan جانە ت. ب. وكىلدەرى كىردى.
تاراپتار اوك سالاسىنداعى ىنتىماقتاستىقتى دامىتۋ كەلەشەگىن، ونىڭ ىشىندە قازاقستاننىڭ جىلىجاي كەشەندەرىن، تۇقىم شارۋاشىلىعىن جانە اۋىل شارۋاشىلىعىنىڭ باسقا دا سەكتورلارىن دامىتۋدا جيىنتىقتى ەسەپتەۋلەر، جاساندى زەردە جانە باسقا دا يننوۆاسيالىق تەحنولوگيالاردى ەنگىزۋ پەرسپەكتيۆالارىن تالقىلادى.
كەلىسسوز قورىتىندىسى بويىنشا، «Kazakh Invest» ۇك» اق، «ۇلتتىق اگرارلىق ءعىلىمي-بىلىم بەرۋ ورتالىعى» كەاق، قازاقستاننىڭ كارتوپ جانە كوكونىس وسىرۋشىلەر وداعى، «قازىنا كاپيتال مەنەدجمەنت» اق وكىلدەرى، سونداي-اق ءبىرقاتار قازاقستاندىق كومپانيالار Dutch Greenhouse Delta، Food Ventures، Rijk Zwaan، Solynta جانە Koppert Biological Systems-بەن قازاقستاندا جەمىس-كوكونىس شارۋاشىلىعى مەن تۇقىمدىق كارتوپ ءوندىرىسىن، وسىمدىكتەردى بيولوگيالىق قورعاۋ قۇرالدارىن دامىتۋ، ق ر جىلىجاي كەشەندەرىن سالۋ، تۇركىستان وبلىسىندا دەمونستراسيالىق ستانسيا مەن جوعارى تەحنولوگيالىق-زەرتتەۋ ورتالىعىن سالۋ بويىنشا بىرلەسكەن جوبالاردى ىسكە اسىرۋدى كوزدەيتىن كەلىسىمدەرگە قول قويدى.
اتالعان جوبالار بويىنشا ق ر ەكونوميكاسىنا سالىنعان ينۆەستيسيالاردىڭ جالپى سوماسى 100 ملرد تەڭگەدەن اسادى. ولاردى ىسكە اسىرۋ قازاقستاندا جاڭا ساپالى جۇمىس ورىندارىن قۇرۋعا، اوك سالاسىندا وزىق تەحنولوگيالار مەن پراكتيكانى ەنگىزۋگە، سونداي-اق قازاقستاننىڭ ازىق-تۇلىك قاۋىپسىزدىگىن قامتاماسىز ەتۋ دەڭگەيىن جانە ەكسپورتتىق الەۋەتىن ارتتىرۋعا جول اشادى.
نيدەرلاندتىق كومپانيالاردىڭ وكىلدەرى قر-عا ساپارى اياسىندا الماتى، اقتوبە، باتىس قازاقستان وبلىستارى مەن الماتى قالاسىنا وڭىرلەردىڭ باسشىلىعىمەن جانە قازاقستاندىق سەرىكتەستەرىمەن بىرلەسكەن جوبالاردى ىسكە اسىرۋدى ەگجەي-تەگجەيلى تالقىلاۋ ءۇشىن بارادى.
قازاقستاندا نيدەرلاندتىق كاپيتالدىڭ قاتىسۋىمەن 900-دەن استام كاسىپورىن جۇمىس ىستەيدى، ولار ق ر ەكونوميكاسىنىڭ ەنەرگەتيكا، ماشينا جاساۋ، قۇرىلىس، كولىك-لوگيستيكا جانە اگروونەركاسىپ سەكتورلارىندا كەڭىنەن ۇسىنىلعان.
وزىق تەحنولوگيالار مەن اگروسەكتوردى جۇرگىزۋدىڭ ءتيىمدى ادىستەرىن پايدالاناتىن نيدەرلاندى كوشباسشى ورىنعا يە جانە الەم بويىنشا اقش-تان كەيىن اۋىل شارۋاشىلىعى ونىمدەرىنىڭ ەكىنشى ءىرى ەكسپورتتاۋشىسى.
كەلىسسوزدەرگە قازاقستان تاراپىنان اۋىل شارۋاشىلىعى ءمينيسترى ساپارحان وماروۆ، نيدەرلاند كورولدىگىندەگى ق ر توتەنشە جانە وكىلەتتى ەلشىسى اسقار جۇماعالييەۆ، «Kazakh Invest» ۇك» اق باسقارما ءتوراعاسى مەيىرجان يۋسۋپوۆ، «ۇلتتىق اگرارلىق ءعىلىمي-بىلىم بەرۋ ورتالىعى» كەاق باسقارما ءتوراعاسى گۇلميرا يسايەۆا، «بايتەرەك» ۇبح» اق باسقارما ءتوراعاسىنىڭ ءبىرىنشى ورىنباسارى قانىش ءىزباستين، نيدەرلاندى تاراپىنان قر-داعى ەلشى اندرە كارستەنس قاتىستى.
