2021 جىل تابىستى جىل بولدى
پرەمەر-مينيستر اسقار مامين ەلىمىزدىڭ تۇرعىندارىن جاڭا جىلمەن قۇتتىقتادى، دەپ حابارلايدى Almaty-akshamy.kz.
«قۇرمەتتى قازاقستاندىقتار، سىزدەردى جاڭا جىل مەرەكەسىمەن شىن جۇرەكتەن قۇتتىقتايمىن! وتكەن 2021 جىلى وڭاي بولعان جوق، الايدا ەلىمىز ءۇشىن تابىستى جىل بولدى – حالقىمىزدىڭ ەرىك-جىگەرىنىڭ ارقاسىندا ءبىز قيىندىقتاردى ويداعىداي ەڭسەرىپ، ەكونوميكانىڭ نەگىزگى سالالارىنىڭ ورنىقتى ءوسۋىن قامتاماسىز ەتتىك. سونداي-اق ەلدەگى سانيتاريالىق-ەپيدەميولوگيالىق احۋالدى تۇراقتاندىرا الدىق» – دەدى ول ءوز قۇتتىقتاۋىندا.
سونىمەن قاتار ول بيىل ەلىمىزدىڭ الەۋمەتتىك-ەكونوميكالىق دامۋىنىڭ اۋقىمدى مىندەتتەرىن ىسكە اسىرۋ، پاندەميانىڭ ىقتيمال جاڭا تولقىنىنا قارسى ءتيىستى شارالاردى قابىلداۋ، قازاقستاندىقتاردىڭ ءال-اۋقاتى مەن تۇرمىس ساپاسىن ودان ءارى جاقسارتۋ بويىنشا كوپ جۇمىس اتقارۋىمىز قاجەت ەكەنىن ايتتى.
«ءبىزدىڭ اۋىزبىرشىلىگىمىز، ەڭبەكسۇيگىشتىگىمىز جانە جارقىن بولاشاققا دەگەن ءۇمىتىمىز ناقتى جوسپارلارىمىزدى جۇزەگە اسىرۋعا، العا قويعان ماقساتتارىمىزعا قول جەتكىزۋگە مۇمكىندىك بەرەتىنىنە سەنىمدىمىن! بارلىق قازاقستاندىققا زور دەنساۋلىق، جاقىندارىڭىزعا اماندىق-ساۋلىق جانە تىڭ باستامالارىڭىزعا تابىس تىلەيمىن! جاڭا جىل ءار وتباسىعا سارقىلماس قۋانىش پەن باقىت نۇرىن سىيلاسىن!» – دەدى مامين.