وقىتۋ ينتەراكتيۆتى ۆەبينارلار تۇرىندە ءوتتى.
قارۋلى كۇشتەردىڭ اسكەري باسقارۋ ورگاندارى مەن مەكەمەلەرىنىڭ اسكەري قىزمەتشىلەرى كيبەرقاۋىپسىزدىكتىڭ نەگىزگى باعىتتارى بويىنشا وقىتۋدان ءوتتى، دەپ حابارلايدى Almaty-akshamy.kz.
ق ر ۇلتتىق قاۋىپسىزدىك كوميتەتى اكادەمياسىندا كيبەرگيگيەنا سالاسىنان حاباردار بولۋدى ارتتىرۋعا باعىتتالعان ءۇش كۇندىك كۋرس اياقتالدى.
«اسكەري ماماندار كيبەرقاۋىپسىزدىكتىڭ الەمدىك سالاسىن دامىتۋدىڭ وزەكتى ۇردىستەرىمەن تانىستى، سونداي-اق ونىڭ قازاقستان رەسپۋبليكاسىنداعى دامۋىنىڭ نەگىزگى باعىتتارىن دا زەردەلەدى»،- دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
وقىتۋ ينتەراكتيۆتى ۆەبينارلار تۇرىندە ءوتتى. بۇل جوعارى بىلىكتى وقىتۋشىلارمەن جەدەل قارىم-قاتىناس جاساۋعا، سونداي-اق كيبەرقاۋىپسىزدىكتىڭ ماڭىزدى اسپەكتىلەرىنەن وتكىر پىكىرتالاستار مەن ونلاين رەجيمدە باقىلاۋ سىناقتارىن وتكىزۋگە مۇمكىندىك بەردى.
كۋرسقا قاتىسۋشىلار كومپيۋتەرلىك قىلمىستاردىڭ نەگىزگى تۇرلەرىن زەردەلەپ، الەۋمەتتىك ينجەنەريا ادىستەرىن جانە كيبەرقاۋىپسىزدىك وقيعالارىن باسقارۋ الگوريتمىن زەرتتەدى. وقۋ ساباقتارىنىڭ كونتەنت مازمۇنى حالىقارالىق ستاندارتتار مەن نەعۇرلىم ناقتى كەيستەرگە نەگىزدەلىپ وتىر. ال كيبەرقاۋىپكە جۇرگىزىلگەن ەگجەي-تەگجەيلى تالداۋ كيبەركەڭىستىكتەگى ەڭ وزەكتى سىن-تەگەۋرىندەرگە (فيشينگ، DDOS-شابۋىلدار، نىسانالى جەلىلىك شابۋىلدار جانە ت.ب.) بايلانىستى ءبىلىم الۋشىلاردىڭ بارلىق سۇراقتارىنا جاۋاپ بەردى.
كۋرستىڭ قورىتىندىسى بويىنشا قازاقستان رەسپۋبليكاسى قارۋلى كۇشتەرىنىڭ اسكەري بولىمدەرى مەن مەكەمەلەرىندە وقىتۋدىڭ ونلاين-فورماتتارىن جالعاستىرۋ تۋرالى شەشىمدى ءبارى ءبىراۋىزدان قولدادى.