اسكەري پوليسياعا قاتىستى بىرنەشە قۇجات جوبالارى ازىرلەندى.
اسكەري پوليسيا باس باسقارماسى ق ر قارۋلى كۇشتەرى اسكەري پوليسيا ورگاندارىنىڭ پاترۋلدىك-بەكەتتىك قىزمەتىنىڭ ىس-ارەكەتىن ۇيىمداستىرۋ قاعيدالارىن قايتا پىسىقتادى دەپ حابارلايدى اlmaty-akshamy.kz ق ر قورعانىس مينيسترلىگىنە سىلتەمە جاساپ.
اتالعان ەرەجە اياسىندا قۇقىق ءتارتىبىن قامتاماسىز ەتۋگە، قىلمىسقا جول بەرمەۋ، سونداي-اق زاڭ بۇزۋ دەرەكتەرىن انىقتاۋعا باعىتتالعان اسكەري پوليسيا ورگاندارىنىڭ پاترۋلدىك-بەكەتتىك قىزمەتىن ۇيىمداستىرۋ ءتارتىبى ايقىندالادى.
بۇيرىق جوباسىنىڭ تولىق ماتىنىمەن «ەلەكتروندىق ۇكىمەت» پورتالىنداعى "اشىق نقا" بولىمىندە تانىسۋعا بولادى.
سونىمەن قاتار، اسكەري پوليسيا باس باسقارماسى «قازاقستان رەسپۋبليكاسى قارۋلى كۇشتەرى اسكەري پوليسيا ورگاندارىنىڭ گاۋپتۆاحتاسىندا ۇستالاتىن اسكەري قىزمەتشىلەردى (اكىمشىلىك قاماۋعا الىنعان اسكەري قىزمەتشىلەردەن باسقا) گاۋپتۆاحتادان تىس جەردە كۇزەتۋ جانە الىپ ءجۇرۋ قاعيدالارىنىڭ» جوباسىن ازىرلەدى.
قاعيدالار اسكەري پوليسيا ورگاندارىنىڭ گاۋپتۆاحتاسىندا ۇستالاتىن اسكەري قىزمەتشىلەردى كۇزەتۋ ءتارتىبىن ايقىندايدى.
مۇنىمەن قوسا، اسكەري پوليسيا باس باسقارماسى ق ر قارۋلى كۇشتەرى اسكەري پوليسيا ورگاندارىنىڭ گاۋپتۆاحتاسىندا كۇدىكتىلەر مەن ايىپتالۋشىلاردى ۇستاۋ جانە ىشكى ءتارتىپ ەرەجەلەرىن قايتا قارادى.
بۇدان بولەك، اسكەري پوليسيا باس باسقارماسى ق ر قارۋلى كۇشتەرى اسكەري پوليسيا ورگاندارىنىڭ كولىك قۇرالدارىنىڭ قوزعالىسى قاۋىپسىزدىگىن قامتاماسىز ەتۋ جونىندەگى قىزمەتىن ۇيىمداستىرۋ قاعيدالارىن قايتا قارادى.
قۇجات جوباسىنىڭ تولىق ماتىنىمەن «ەلەكتروندىق ۇكىمەت» پورتالىنداعى «اشىق نقا» بولىمىندە تانىسۋعا بولادى.