ق ر قارۋلى كۇشتەرى ۇلتتىق اسكەري-پاتريوتتىق ورتالىعىنىڭ شىعارماشىلىق ۇجىمى ساۋدا ويىن-ساۋىق ورتالىعىندا كونسەرت ۇيىمداستىردى.
اسكەري قىزمەتشىلەر ونى ۇلى وتان سوعىسىنداعى جەڭىستىڭ 80 جىلدىعىنا ارنادى، دەپ حابارلايدى aqshamnews.kz El.kz-كە سىلتەمە جاساپ.
ءبىزدىڭ حالىق الدىندا ونەر كورسەتۋىمىز سان مىڭداعان ادامداردى بىرىكتىرەتىن ماڭىزدى كۇنگە ورايلاستىرىلعان. ءبىز وسى شارا ارقىلى وتانداستارىمىزعا اعا بۋىننىڭ ەرلىگى تۋرالى جانە سۇراپىل سوعىستا ولارعا رۋح بەرىپ، بارلىق قيىندىققا توتەپ بەرۋگە ىنتىماقتىڭ كومەكتەسكەنىن ەسكە سالعىمىز كەلەدى. بۇنى ءبىز كورەرمەندەرگە ونەر ارقىلى جەتكىزۋگە تىرىستىق، – دەپ ءتۇسىندىردى ۇلتتىق اسكەري-پاتريوتتىق ورتالىعى باستىعىنىڭ ورىنباسارى اعا لەيتەنانت ازامات اقتاسوۆ.
ورتالىق ءانسامبلدىڭ سوليستەرى مەن ۆوكالدىق توپتارىنىڭ ورىنداۋىندا "ءاليا"، "جۋراۆلي"، "تۋچي ۆ گولۋبوم"، "ەحال يا يز بەرلينا"، "كەستەلى ورامال" جانە "ساۋىت"، "قايسار ارميا"، "قورعانىسىم تىرەگىم"، "جاسا قازاعىم" سىندى پاتريوتتىق اندەرى ورىندالدى. ويىن-ساۋىق ورتالىعىنا كەلۋشىلەردى ءانسامبلدىڭ بي توبىنىڭ ورىنداۋىنداعى “ساربازدار ءبيى” كوڭىلدەرىن كوتەردى.
ۇلتتىق اسكەري-پاتريوتتىق ورتالىقتىڭ اسكەري وركەسترىنىڭ ديريجەرى كاپيتان نۇرلان قوشقاروۆتىڭ باسقارۋىمەن تانىمال كلاسسيكالىق جانە زاماناۋي اۋەندەر قويىلىمىن حالىق قۋانا قابىلدادى. وركەسترلەردىڭ دەفيلەسى كورەرمەندەردى ەرەكشە تاڭ قالدىردى.
ساۋدا ورتالىعىندا اسكەري مۋزىكانتتاردىڭ كەلىپ، كونسەرت قويۋى ءبىزدى تاڭ قالدىردى جانە قۋانتتى. كوڭىل-كۇيىمدى سوزبەن ايتىپ جەتكىزە المايمىن. كەرەمەت ورىنداۋ، سىمباتتى اسكەري كيىم – وسىنىڭ ءبارى رۋحىمىزدى كوتەرىپ، وتان قورعاۋشىلارىمىز ءۇشىن ماقتانىش سەزىمىن تۋدىرادى، - دەيدى استانالىق الۋا قاجانوۆا.
كورەرمەندەر دە ورىنداۋشىلارعا شىن جۇرەكتەن العىسىن جاۋدىرىپ، قوشەمەت كورسەتىپ، ىزگى تىلەكتەرىن ايتىپ جاتتى.