ق ر قورعانىس مينيسترلىگى «قازاقستان رەسپۋبليكاسى قورعانىس ءمينيسترىنىڭ كەيبىر بۇيرىقتارىنا وزگەرىستەر ەنگىزۋ تۋرالى» قورعانىس ۆەدومستۆوسى باسشىسى بۇيرىعىنىڭ جوباسىن ازىرلەدى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
اتالمىش وزگەرىستەر 2017 جىلعى 24 قاڭتارداعى «اسكەري مىندەتتىلەر مەن اسكەرگە شاقىرىلۋشىلاردى اسكەري ەسەپكە الۋ قاعيدالارىن بەكىتۋ تۋرالى» جانە 2019 جىلعى 9 شىلدەدەگى «ۇلى وتان سوعىسىنىڭ ارداگەرلەرىنە كۋالىكتەر بەرۋ قاعيدالارىن بەكىتۋ تۋرالى» ەكى بۇيرىققا قاتىستى.
نورماتيۆتىك قۇقىقتىق قۇجات قاعيدالاردى «اسكەري قىزمەت جانە اسكەري قىزمەتشىلەردىڭ مارتەبەسى تۋرالى» زاڭنىڭ 12-بابىنا جانە قازاقستان رەسپۋبليكاسى ۇكىمەتىنىڭ 2022 جىلعى 2 ماۋسىمداعى قاۋلىسىمەن بەكىتىلگەن ق ر قورعانىس مينيسترلىگى تۋرالى ەرەجەنىڭ 15-تارماعىنىڭ 176) تارماقشاسىنا سايكەس كەلتىرۋ ماقساتىندا دايىندالدى.
ەرەجەلەردەگى كەيبىر تەحنيكالىق تۇزەتۋلەرمەن قاتار قىزمەت كورسەتۋ مەرزىمى ءۇش جۇمىس كۇنىنە دەيىن قىسقارادى. بۇل اسكەري مىندەتتىلەرگە اسكەري بيلەتتەردى نەمەسە ولاردىڭ تەلنۇسقالارىن بەرۋگە جانە اسكەري مىندەتتىلەر مەن اسكەرگە شاقىرىلۋشىلاردى اسكەري ەسەپكە قويۋعا قاتىستى.
بۇيرىق جوباسىنىڭ تولىق ماتىنىمەن «ەلەكتروندىق ۇكىمەت» پورتالىندا «اشىق نقا» بولىمىندە وسى جىلدىڭ 14 قاراشاسىنا دەيىن مىنا https://legalacts.egov.kz/npa/view؟id=15264085 سىلتەمە بويىنشا تانىسۋعا بولادى.