كەلىسىمدەر 2023 جىلدان باستاپ كۇشىنە ەنەدى
عىلىم جانە جوعارى ءبىلىم ءمينيسترى ساياسات نۇربەك قورعانىس مينيسترلىگى مەن ەلىمىزدىڭ جوعارى وقۋ ورىندارى اراسىنداعى كەلىسىمگە قول قويۋ سالتاناتىنا قاتىستى، دەپ حابارلايدى Almaty-akshamy.kz جوعارى ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
الماتىداعى رەسپۋبليكا سارايىندا وتكەن كەزدەسۋگە قورعانىس ءمينيسترى گەنەرال-پولكوۆنيك رۋسلان جاقسىلىق جانە جوعارى وقۋ ورىندارىنىڭ رەكتورلارى قاتىستى.
ۆەدومستۆولاردىڭ باسشىلارى ارىپتەستەرىن ۇلتتىق مەرەكە – رەسپۋبليكا كۇنىمەن قۇتتىقتادى.
قورعانىس مينيسترلىگى مەن جوعارى وقۋ ورىندارىنىڭ بەلگىلەنگەن مەرزىمدە قىزمەت ەتكەن اسكەري قىزمەتشىلەرگە تەگىن جوعارى ءبىلىم الۋ مۇمكىندىگىن بەرۋ جونىندەگى بىرلەسكەن جوباسى دا اسكەري قىزمەتتىڭ بەدەلىن ارتتىرۋعا ىقپال ەتەتىن بولادى.
ەلۋدەن اسا جوعارى وقۋ ورىندارىنىڭ باسشىلارى قول قويعان كەلىسىمدە ىنتىماقتاستىق باعىتتارى، سونداي-اق مەرزىمدى اسكەري قىزمەت وتكەرگەن ادامدارعا كونكۋرستان تىس وتۋگە جەڭىلدىكتەر بەرىلەدى.
كەلىسىمدەر 2023 جىلدان باستاپ كۇشىنە ەنەدى.