اسكەري بولىمدەگى جارىلىس: تۇرعىندار ءقاۋىپسىز جەرگە كوشىرىلەدى

جامبىل وبلىسىندا اسكەري بولىمدەگى جارىلىس سالدارىنان وقيعا ورنىنا تاقاۋ ورنالاسقان ۇيلەردىڭ تۇرعىندارى ءقاۋىپسىز جەرگە كوشىرىلەدى. بۇل جايىندا ق ر قورعانىس ءمينيسترىنىڭ ورىنباسارى گەنەرال-لەيتەنانت رۋسلان شپەكبايەۆ ءمالىم ەتتى، دەپ حابارلايدى almaty-akshamy.kz قازاقپارات تىلشىسىنە سىلتەمە جاساپ.

«جامبىل وبلىسىنىڭ بايزاق اۋدانىندا ورنالاسقان اسكەري بولىمدە ساعات شامامەن 19-00-دە قويمالاردىڭ ءبىرىنىڭ جانىنان ءورت شىققان. ءورتتى سوندىرۋگە ءبولىمنىڭ ءورت ءسوندىرۋ كومانداسى شىنجىرلى ءورت ءسوندىرۋ ماشيناسىمەن جەدەل كىرىستى. ولارعا جامبىل وبلىستىق تجد ءورت ءسوندىرۋ بولىمشەلەرى كومەك كورسەتىپ جاتىر. ءورتتىڭ ءبىر بولىگى ءسوندىرىلدى. بۇعان قاراماستان، ءورت سالدارىنان بەلگىسىز زاتتىڭ جارىلۋى ورىن الدى. ءورت وشاعىن ءسوندىرۋ جالعاسۋدا»، - دەدى گەنەرال-لەيتەنات.

سونىمەن قاتار ول ءورتتىڭ شىعۋ سەبەبى انىقتالۋ ۇستىندە ەكەندىگىن اتاپ وتەدى.

«قويمادا نەگىزىنەن ينجەنەرلىك وق-دارىلەر ساقتالعان. ولار الىسقا ۇشپايدى. دەگەنمەن، تۇرعىنداردىڭ قاۋىپسىزدىگىن ساقتاۋ ماقساتىندا تاياۋ ماڭداعى ۇيلەردىڭ تۇرعىندارىن ەۆاكۋاسيالاۋ تۋرالى شەشىم قابىلداندى. وقيعا ورنىنا ق ر قورعانىس ءمينيسترىنىڭ باسشىلىعىمەن كوميسسيا جىبەرىلدى. كوميسسيا اپات سالدارىن جويۋمەن اينالىساتىن بولادى»، - دەدى رۋسلان شپەكبايەۆ.

بارلىق قۇقىقتار قورعالعان. inform.kz بەلسەندى سىلتەمەنى پايدالانىڭىز https://www.inform.kz/kz/zhambyl-oblysyndagy-zharylys-askeri-bolimge-tayau-uylerdin-turgyndary-evakuaciyalanady_a3828842