عالىمدار ادام دەنساۋلىعىنا ەڭ ءقاۋىپتى ءارى زياندى ەموسيانى انىقتادى.
امەريكا قۇراما شتاتتارىنداعى كولۋمبيا ۋنيۆەرسيتەتىنىڭ يرۆينگ مەديسينالىق ورتالىعىندا بۇل باعىتتا ارنايى جۇرگىزىلگەن زەرتتەۋدە تاجىريبەگە قاتىسۋشىلار اشۋ-ىزا، ۇرەي مەن قايعى سياقتى ءتۇرلى ەموسيالاردى باستان كەشىردى.
سونىمەن قاتار، بەيتاراپ تاپسىرمالاردى ورىندادى. ناتيجەسىندە اشۋدىڭ قان تامىرلارىنىڭ كەڭەيۋىنە ەڭ ۇلكەن كەرى اسەرىن تيگىزەتىنىن كورسەتتى. ونىڭ زياندى اسەرى شامامەن 40 مينۋت بويى ساقتالاتىن بولىپ شىقتى، دەپ حابارلايدى Almaty-akshamy.kz.
عالىمدار اشۋ-ىزانىڭ قان تامىرلارى ەندوتەلييىنىڭ قىزمەتىن بۇزاتىنىن، ال بۇل جايت ءوز كەزەگىندە اۋىر جۇرەك-قان تامىرلارىن اسقىندىرۋى مۇمكىن ەكەنىن العا تارتىپ وتىر.
گلەنن ليەۆين ەسىمدى بەيلور مەديسينا كوللەدجىنىڭ دارىگەرى اشۋ-ىزا نەمەسە سترەسس سياقتى كۇشتى ەموسيالىق كۇيدىڭ اۋىر جۇرەك-قان تامىرلارى اۋرۋلارىنىڭ قوزدىرعىشى بولۋى مۇمكىن ەكەنىن اتاپ ءوتتى. وسىنداي تۇجىرىم جاساعان عالىمدار اشۋ-ىزاعا ەرىك بەرمەۋدىڭ ماڭىزدىلىعىن اتادى.