قازاقستاننىڭ ءبىلىم جانە عىلىم ءمينيسترى اسحات ايماعامبەتوۆ رەسەيدىڭ پەرم ۋنيۆەرسيتەتىندەگى اتىسقا بايلانىستى پىكىر ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«پەرم ۋنيۆەرسيتەتىندە اتىس سالدارىنان قازا بولعانداردىڭ تۋىستارى مەن جاقىندارىنا كوڭىل ايتامىن. زارداپ شەككەندەردىڭ تەزىرەك ساۋىعىپ كەتۋىنە تىلەكتەسپىن. قازان قالاسىنداعى تەراكت كەزىندە جاقىندارى قازا تاپقانداردىڭ جان جارالارى ءالى دە جازىلا قويعان جوق. بۇگىنگى وقيعا جىعىلعانعا جۇدىرىق بولىپ وتىر. بۇل قايعىلى وقيعالار ەلىمىزدەگى مەكتەپتەردە، كوللەدجدەر مەن جوعارى وقۋ ورىندارىنداعى قاۋىپسىزدىكتى كۇشەيتۋدىڭ قانشالىقتى ماڭىزدى ەكەنىن كورسەتەدى. وقۋ ورىندارىنىڭ ءاربىر باسشىسى بالالاردى قورعاۋ ماسەلەسىنە باسىمدىق بەرۋى ءتيىس»، - دەدى مينيستر.
سونداي-اق ول سوزىندە ەل پرەزيدەنتى قاسىم-جومارت توقايەۆتىڭ ءبىلىم بەرۋ ۇيىمدارىنىڭ قاۋىپسىزدىگىن قامتاماسىز ەتۋ قاجەتتىلىگىن اتاپ ءوتىپ، بۇل ماسەلە ۇكىمەت وتىرىسىندا ەگجەي-تەگجەيلى قارالىپ، اكىمدىكتەرگە تاپسىرما بەرىلگەندىگىن جازدى. سونداي-اق جوو باسشىلىعىنا وقۋ كورپۋستارى مەن جاتاقحانالاردا قاۋىپسىزدىكتى كۇشەيتۋ كەرەكتىگى ايتىلدى.
بۇل تاپسىرمالار – جابدىقتاردى تۇگەندەۋ، جەدەل باسقارۋ ورتالىعىنا بەينەكامەرالاردى قوسۋدى قامتاماسىز ەتۋ، جوو كىرۋ رەجيمىن كۇشەيتۋ جانە توتەنشە جاعداي تۋىنداعان كەزدە قابىلداناتىن ءىس-قيمىلدار بويىنشا ساباقتار وتكىزۋ.
قازىرگى ۋاقىتتا مينيسترلىك باسقا مەملەكەتتىك ورگاندارمەن بىرلەسىپ ءبىلىم بەرۋ وبەكتىلەرىنىڭ تەرروريزمگە قارسى قورعالۋىن ۇيىمداستىرۋ بويىنشا قۇجات ازىرلەدى. وسى ءنورماتيۆتى-قۇقىقتىق اكتىنى تالقىلاۋ بارىسىندا 2000-نان استام سۇراق پەن ۇسىنىس كەلىپ ءتۇستى. بۇل قۇجات كەيبىر ازاماتتاردى الاڭداتاتىنىن بىلەمىز. ولار دابىل باتىرمالارىن، بەينەباقىلاۋ جۇيەسىن، تۋرنيكەتتەردى ورناتۋعا جانە توتەنشە جاعدايداعى وقۋ-جاتتىعۋلار وتكىزۋگە قارسى ەكەندىگىن جازدى.
مەن بۇل ەرەجەلەردىڭ بالالارعا ءقاۋىپ توندىرمەيتىنىن، كەرىسىنشە، ولاردىڭ قاۋىپسىزدىگىن قامتاماسىز ەتۋگە جانە مۇنداي جاعدايلاردىڭ الدىن الۋعا باعىتتالعاندىعىن مالىمدەيمىن.
ءاربىر ءبىلىم بەرۋ ۇيىمىندا بارلىق قاۋىپسىزدىك شاراسى قابىلدانۋى قاجەت. اكىمدىكتەر بۇل ماسەلەنى كەشەندى شەشۋ ءۇشىن قوسىمشا قاراجات بولۋدە.
اتاپ ايتقاندا، بەينەباقىلاۋ كامەراسىن، كۇزەت سيگناليزاسياسى مەن جەدەل باسقارۋ ورتالىعىنا بەينەكامەرالاردى قوسۋ، وتكىزۋ رەجيمى ۇيىمداستىرۋ جانە قاۋىپسىزدىك جۇيەسىنىڭ باسقا دا ەلەمەنتتەرى قاراستىرىلماق.
قىزمەتكەرلەر مەن وقۋشىلار تەحنيكالىق شارالاردان بولەك، توتەنشە جاعداي كەزىندەگى ءىس-قيمىل الوگوريتمىن ءبىلۋ قاجەت.
سونىمەن قاتار ءبىلىم بەرۋ ۇيىمدارىندا تاربيە جۇمىسىن كۇشەيتۋ دە باستى نازاردا بولۋ كەرەك.
ءبىز بۇل ماسەلەلەرگە ەرەكشە كوڭىل بولەمىز»، - دەيدى اسحات ايماعامبەتوۆ.