«ءولىارا» ءفيلمى ءتۇسىرىلىپ جاتىر
«قازاقفيلم» كينوستۋدياسى الماتى وبلىسىندا «ءولىارا» ءفيلمىنىڭ ءتۇسىرىلىمى باستالعانىن مالىمدەدى،، دەپ حابارلايدى Almaty-akshamy.kz.
«قازاقفيلم» كينوستۋدياسىنىڭ ءوندىرىس جونىندەگى ۆيسە-پرەزيدەنتى ايدار باتالوۆ «ءولىارا» ءفيلمىنىڭ ءتۇسىرىلىم الاڭىندا بولىپ قايتتى. قازىرگى تاڭدا ءتۇسىرىلىم جۇمىستارى الماتى وبلىسىندا ءجۇرىپ جاتىر.
ۆەنگريالىق رەجيسسەر تاماش توتتىڭ «ءولىارا» ءفيلمى 30-جىلدارداعى قازاق دالاسىنداعى اشارشىلىق تۋرالى باياندايدى. رەجيسسەردىڭ ايتۋىنشا، بۇل تاقىرىپقا فيلم ءتۇسىرۋدى ستۋدەنت كەزىندە اشارشىلىق تۋرالى العاش ەستىگەندە ويلاعان ەكەن. ءفيلمنىڭ سيۋجەتى بويىنشا اتۋ جازاسىنا كەسىلگەن يشتۆان ماديار قازاق اۋىلىنىڭ جەرگىلىكتى تۇرعىندارىمەن بىرلەسىپ، قىزىل اسكەرمەن كۇرەسۋگە ءماجبۇر.
تۋىندى ش.ايمانوۆ اتىنداعى «قازاقفيلم» اق باستاماسىمەن «ۇلتتىق كينونى قولداۋ ورتالىعى» كەاق قولداۋىمەن ق ر مادەنيەت جانە سپورت مينيسترلىگىنىڭ تاپسىرىسى بويىنشا ازىرلەنىپ جاتىر.