جارىسقا الەمنىڭ 45 ەلىنەن 250-دەن استام سپورتشى قاتىسۋدا.
ورتالىق سپورت كلۋبى سپورت كوميتەتىنىڭ اسكەري قىزمەتشىسى 2023 جىلى قازاقستان قارۋلى كۇشتەرىنىڭ قورجىنىنا العاشقى التىن مەدالدى سالدى، دەپ حابارلايدى Almaty-akshamy.kz.
سپورت كوميتەتىنىڭ سۇرمەرگەنى اسەم ورىنباي ماروككودا ستەندتىك اتۋدان الەم كۋبوگىنىڭ چەمپيونى اتاندى. "Skeet" ايەلدەر ساناتىنداعى كوماندالىق ەسەپتە ول اقش كومانداسى سپورتشىلارىنىڭ الدىن وراپ، التىن مەدال جەڭىپ الدى.
2023 جىلدىڭ 11-24 قاڭتار ارالىعىندا رابات قالاسىندا ستەندتىك اتۋدان الەمدىك تۋرنير ءوتىپ جاتىر. جارىسقا الەمنىڭ 45 ەلىنەن 250-دەن استام سپورتشى قاتىسۋدا. قازاقستان اتىنان 13 سپورتشى قاتىسىپ جاتىر.
ماروككوداعى الەم كۋبوگى حالىقارالىق سپورتتىق اتۋ فەدەراسياسىنىڭ كەستەسىندەگى رەيتينگتى كوتەرۋگە جانە فرانسياداعى 2024 جىلعى XXXIII جازعى وليمپيادا ويىندارىنا قاتىسۋعا ليسەنزيا ۇتىپ الۋعا مۇمكىندىك بەرەتىن رەيتينگتىك تۋرنير بولىپ تابىلادى.