كاسىبي داعدىنى قالىپتاستىرۋدىڭ ءبىر جولى وسى.
قازاقستاننىڭ ەڭبەك ەرى، حالىق ءارتىسى ءاسانالى ءاشىموۆ پرەزيدەنت قاسىم-جومارت توقايەۆتىڭ قىركۇيەكتىڭ 1 كۇنى قازاقستان حالقىنا جاساعان جولداۋىنا قاتىستى ءوز پىكىرىن ءبىلدىردى،دەپ حابارلايدى Almaty-akshamy.kz.
«مەن حالقىمىزدىڭ الەم ۇلگى تۇتارلىق جاقسى قاسيەتى كوپ بولعانىن قالايمىن. ءححى عاسىردىڭ ۇرپاعى تەرەڭ ءبىلىمدى بولعانى ءجون. جاس بۋىندى ەرىنبەي ەڭبەك ەتۋگە بەيىمدەۋ قاجەت. كاسىبي داعدىنى قالىپتاستىرۋدىڭ ءبىر جولى وسى.قاتاڭ ءتارتىپ، جوعارى جاۋاپكەرشىلىك ءاربىر ەڭبەككەردىڭ بويىندا بولسىن.ءبىز سوندا عانا باسەكەگە قابىلەتتى مەملەكەت، زياتكەر ۇلت قالىپتاستىرا الامىز. وسى مەجەلەر جۇزەگە اسۋى ءۇشىن حالىقتىڭ ءال-اۋقاتىن دا ۇمىتپاعان دۇرىس. ەڭ تومەنگى جالاقى 2018 جىلدان باستاپ وسپەدى.مۇنى پرەزيدەنت قاسىم-جومارت توقايەۆ جولداۋىندا ناقتىلاپ ايتتى»، – دەيدى ءاسانالى ءاشىموۆ.
جولداۋ بارىسىندا قازاقستان پرەزيدەنتى قاسىم-جومارت توقايەۆ ەڭ تومەنگى جاقالى مولشەرى وسەتىنىن ايتقان بولاتىن. سونىمەن قاتار 2022-2025 جىلدارى بيۋدجەتتەن قارجىلاندىرىلاتىن سالا قىزمەتكەرلەرىنىڭ جالاقىسى جىل سايىن 20 پايىزعا وسەتىنىن ايتقان بولاتىن.
«حالقىمىز ءۇشىن زيالى قاۋىمنىڭ ورنى قاشاندا ەرەكشە. ۇلت تاعدىرى سىنعا تۇسكەن ساتتە كوزى اشىق ازاماتتار ءاردايىم كوش باستاعان. ادامدارعا ءجون سىلتەپ، جاستارعا باعىت-باعدار بەرگەن. ەل اعالارى ءبىر اۋىز سوزبەن تەنتەگىن تىيىپ، تەكتىسىن تورگە وتىرعىزعان. ءبىز قانىمىزعا سىڭگەن وسى قاسيەتتەن ايىرىلماۋىمىز قاجەت. ءقازىر عالامتور ءداۋىرى. ونداعى بەيبەرەكەت اقپارات ۇرپاقتىڭ ساناسىن ۋلاپ جاتىر. ءبىر ساتتىك تانىمالدىقتى كورسەتەتىن تامىرسىز يدەيالار جاپپاي بەلەڭ الۋدا. ءدال وسى كەزەڭدە ۇلت زيالىلارىنىڭ ۇستانىمى جانە بەلسەندىلىگى ايرىقشا ماڭىزدى. زيالىلاردىڭ ەڭبەگى ماراپاتىمەن ەمەس، ساليقالى سوزىمەن جانە ناقتى ىسىمەن باعالانادى.» - دەدى مەملەكەت باسشىسى بۇگىنگى جولداۋىندا.
ءاسانالى ءاشىموۆتىڭ پىكىرىنشە، بۇل وتە ورىندى، جۇيەلى ايتىلعان .
«وسى تالاپ ۇدەسىنەن شىعۋ جاسىمىز بەن كارىمىزدىڭ، قىسقاسى ءبارىمىزدىڭ مىندەتىمىز...»، دەدى ءاسانالى ءاشىموۆ.