قازاقستاننىڭ حالىق ءارتىسى، قازاقستاننىڭ ەڭبەك ەرى ازاماتتاردى سايلاۋ ۋچاسكەلەرىنە كەلىپ، داۋىس بەرۋگە شاقىردى، دەپ حابارلايدى اlmaty-akshamy.kz.
"كوڭىل-كۇي جاقسى، بۇگىن مەيرام. ناۋرىز مەرەكەسى ءوتىپ جاتىر، سايلاۋ ءجۇرىپ جاتىر. بۇل حالىق ءۇشىن ۇلكەن ماعىنالى، ءماندى جاعداي. سوندىقتان حالىقتى ءارقاشان دا قۋانىشقا بولەۋ – بارلىعىمىزدىڭ مىندەتىمىز. بۇگىنگى سايلاۋ ەرەكشە دەپ ويلايمىن. پارلامەنتكە كىرىپ جاتقان جاستار. «جاس كەلسە ىسكە» دەگەن، جاستارعا مەن سەنەمىن. پرەزيدەنتىمىز قاسىم-جومارت توقايەۆتىڭ جولداۋىندا تالاي جاقسىلىقتار ايتىلعان. سول باستامالاردى ارى قاراي جەتكىزۋ وسى جاستاردىڭ مىندەتى، بارلىعىمىزدىڭ مىندەتىمىز. حالقىمىزدىڭ ءال-اۋقاتىنىڭ جاقسارۋى، حالىقتىڭ مادەنيەت-ادەبيەتى جاقسارۋى، عىلىمى كوتەرىلۋى – وسىنىڭ ءبارى ەلدىكتىڭ بەلگىسى. ۇلكەن مەملەكەتتەردىڭ قاتارىنا قوسىلۋعا ۇلكەن جاعداي تۋعىزاتىن ارەكەت"، – دەدى ا.ءاشىموۆ.