اسا ءقاۋىپتى ەسىرتكىلەر تىزىمىنە ترامادول ەندى

بۇدان بىلاي ترامادول ەسىرتكى دەپ سانالادى جانە ساتىلۋىنا تىيىم سالىندى. 

قازاقستاندا تىيىم سالىنعان ەسىرتكى، پسيحوتروپتىق پرەاپارتتار ءتىزىمى وزگەردى. بۇل جايىندا مەديسينالىق جانە فارماسيەۆتيكالىق باقىلاۋ كوميتەتىنەن ءمالىم ەتتى، دەپ حابارلايدى اlmaty-akshamy.kz.

قازاقستان ۇكىمەتى «قازاقستان رەسپۋبليكاسىندا باقىلاۋعا جاتاتىن ەسىرتكى، پسيحوتروپتىق زاتتار مەن پرەكۋرسورلار ءتىزىمىن، زاڭسىز اينالىمدا جۇرگەنى انىقتالعان ەسىرتكى، پسيحوتروپتىق زاتتاردى، سول تەكتەستەر مەن پرەكۋرسورلاردى شاعىن، ءىرى جانە اسا ءىرى مولشەرگە جاتقىزۋ تۋرالى جيىنتىق كەستەنى، ەسىرتكى، پسيحوتروپتىق زاتتاردىڭ قۇرىلىمدىق فورمۋلالارىنداعى سۋتەگى، گالوگەندەر جانە (نەمەسە) گيدروكسيلدى توپتار اتومدارىن الماستىرعىشتار ءتىزىمىن بەكىتۋ تۋرالى» ءوزىنىڭ №470 قاۋلىسىنا وزگەرىس ەنگىزدى.

وزگەرىستەر ترامادول پرەپاراتىنا اسەر ەتتى. ەندى ونى ارنايى رۇقساتى بار ءدارىحانالار عانا ساتا الادى.

مەديسينالىق جانە فارماسيەۆتيكالىق باقىلاۋ كوميتەتى دارىلىك زاتتاردى ليسەنزياسىز وتكىزگەنى ءۇشىن اكىمشىلىك جانە قىلمىستىق جاۋاپكەرشىلىك بار ەكەنىن ەسكەرتەدى.