بۇرىنعى مادەنيەت جانە سپورت ءمينيسترى، ۇلتتىق مۋزەيدىڭ بۇرىنعى ديرەكتورى ارىستانبەك مۇحامەديۇلىنا قاتىستى تاعى ءبىر سوت وتىرىسى ءوتىپ جاتىر. بۇل جولى بۇرىنعى شەنەۋنىك رەيدەرلىك جاسادى دەگەن كۇدىككە ءىلىندى، - دەپ حابارلايدى اlmaty-akshamy.kz Massaget.kz-كە سىلتەمە جاساپ.
ايىپتاۋ نۇسقاسىنا سايكەس 2019 جىلى ماتەريالدىق كومەك الۋ ءۇشىن يەلىگىندە استانادا ورنالاسقان "ديپلومات" ءقوناقۇي كەشەنى بار كاسىپكەر ك. ەكس-شەنەۋنىك مۇحامەديۇلىنا جۇگىنگەن. مۇحامەدي ۇلى كوممەرسانتقا 2،5 ميلليارد تەڭگە بەرۋگە كەلىسكەن، الايدا ونىڭ ورنىنا ج ش س كاپيتالىنان قايىن ەنەسىنە 71 پايىز راسىمدەۋدى سۇراعان. تەرگەۋ مالىمەتىنشە، ەكس-شەنەۋنىك سول كەزدە-اق قوناق ءۇيدى قولىنا الۋ جوسپارىن ويلاستىرعان.
مامىلە جاسالعاننان كەيىن بۇرىنعى شەنەۋنىك قوناقۇيگە ۇنەمى بارا بەرگەن، وندا قىزمەتكەرلەرگە تەڭ يەلەردىڭ ءبىرى رەتىندە تانىستىرىلعان. ءارى قاراي مۇحامەدي ۇلى كاسىپكەر ك.-دەن قالعان 29 پايىزىن بەرۋدى تالاپ ەتكەن، الايدا كاسىپكەر باس تارتقان. سودان كەيىن مۇحامەدي ۇلى "ديپلومات" قىزمەتكەرلەرىنە ج ش س ديرەكتورىن قوناقۇيگە كىرگىزبەۋ تۋرالى بۇيرىق بەرەدى. سونىمەن قاتار، سەرىكتەستىك قاتىسۋشىلارىنىڭ جالپى جينالىسىنىڭ حاتتاماسى قولدان جاسالىپ، وندا سەرىكتەستىك ديرەكتورى مۇحامەديۇلىنا بايلانىستى تۇلعاعا اۋىستىرىلادى.
ارىستانبەك مۇحامەدي ۇلى سوتتا تاعىلعان ايىپپەن كەلىسپەي، جابىرلەنۋشىنى ساياساتكەر مارك يۋنيۋس برۋتپەن، ال ءوزىن گاي يۋليي سەزارمەن سالىستىرعان جالىندى ءسوز سويلەدى.
"ريم يمپەرياسىنىڭ تاريحىنان مارك يۋنيۋس برۋت بۇكىل ادامزات تاريحىندا ايلاكەرلىك پەن زۇلىمدىقتىڭ سيمۆولى رەتىندە قالعانىن جاقسى بىلەمىز. ال گاي يۋليي سەزار برۋتتىڭ زۇلىمدىعىنا قاراماستان، تاريحتا "سەن برۋتسىڭ" دەگەن ءسوزدىڭ اۆتورى رەتىندە قالدى" - دەدى مۇحامەدي ۇلى.
مۇحامەدي ۇلىنىڭ پىكىرىنشە، سۋديا تاريحتا گەراكل رەتىندە قالادى.
"اۆگيي پاتشانىڭ قورالارىن كوڭنەن تازارتقان ەجەلگى باتىر گەراكل سياقتى وسى سوت ىسىندەگى زۇلىمدىق پەن وتىرىكتى تازالايتىنىڭىزعا سەنىمدىمىن"، - دەدى ول سۋدياعا.