قارجى مينيسترلىگى ق ر مەملەكەتتىك شەكاراسى ارقىلى ناقتى تاۋارلاردىڭ وتكىزىلۋىن باقىلاۋدى جۇزەگە اسىرۋ ورىندارىنىڭ تىزبەسى كەڭەيتىلەتىن ۇكىمەت قاۋلىسىنىڭ جوباسىن دايىندادى، دەپ حابارلايدى اlmaty-akshamy.kz.
اتاپ ايتقاندا، تىزبەگە كەلەسى تەمىرجول ستانسيالارى قوسىلدى:
- اۋىل اباي وبلىسى
- سەمەي اباي وبلىسى
- اقتوبە اقتوبە وبلىسى
- كوكشەتاۋ اقمولا وبلىسى
- تۇركسىب جامبىل وبلىسى
- ورال باتىس قازاقستان وبلىسى
- توبىل قوستاناي وبلىسى
- ەسىل قوستاناي وبلىسى
- پاۆلودار پاۆلودار وبلىسى
- پەتروپاۆل سولتۇستىك قازاقستان وبلىسى
تۇسىندىرىلگەندەي، قۇجاتتى قابىلداۋدىڭ ماقساتى تەمىر جول ۋچاسكەلەرىندە ناقتى تاۋارلاردىڭ وتكىزىلۋىن باقىلاۋدى جۇزەگە اسىرۋ، جاپپاي قىرىپ-جويۋ قارۋىنىڭ بارلىق تۇرلەرىن تاراتپاۋعا باعىتتالعان حالىقارالىق قۇجاتتار شەڭبەرىندە قازاقستاننىڭ مىندەتتەمەلەرىن ورىنداۋى بولىپ تابىلادى.
"بۇگىنگى كۇنى ەكسپورتقا جونەلتىلەتىن تەمىر جول قۇرامدارى ق ر مەملەكەتتىك شەكاراسىنىڭ شەكارالىق ايماعىنان تىس ورنالاسقان ءىرى (سۇرىپتاۋ) ستانسيالاردا قالىپتاستىرىلادى، ولار تەمىر جولداردىڭ تەحنولوگيالىق سحەماسىنا سايكەس ەۋرازيالىق ەكونوميكالىق وداققا مۇشە مەملەكەتتەردىڭ اۋماعىنا دەيىن توقتاۋسىز جۇرەدى. ەۋرازيالىق ەكونوميكالىق وداق ەلدەرىنىڭ اۋماعىنان تاۋارلار يمپورتى كەزىندەگى جاعداي ۇقساس"، - دەپ تۇسىندىرىلەدى نەگىزدەمەدە.
وسىعان بايلانىستى ارنايى تاۋارلاردىڭ وتكىزىلۋىن باقىلاۋدى جۇزەگە اسىرۋ ورىندارىنىڭ تىزبەسىنە قوسىمشا تەمىرجول ستانسيالارىن قوسۋ ۇسىنىلادى.
قۇجات 22 مامىرعا دەيىن اشىق تالقىلاۋ ءۇشىن اشىق نقا سايتىندا ورنالاستىرىلعان.