استانادا ۇقك جۇرگىزگەن ارنايى وپەراسيانى بۇزعان بانكتىڭ زاڭ كەڭەسشىسى سوتتالدى، دەپ حابارلايدى almaty-akshamy.kz.
استانا قالاسىنىڭ قىلمىستىق ىستەر جونىندەگى اۋدانارالىق سوتى سوتقا دەيىنگى تەرگەپ-تەكسەرۋ جۇرگiزۋگە كەدەرگi جاساۋ فاكتىسى بويىنشا ءىستى قارادى.
سوتتا سوتتالۋشى ءوزىنىڭ قىزمەتتىك مىندەتتەرىن اتقارۋ كەزىندە سوتقا دەيىنگى تەرگەۋدەن تۇسكەن ساۋالدا تانىسى تۋرالى مالىمەتتى كورىپ، بىردەن تانىسى ك.-گە قوڭىراۋ شالعانى انىقتالدى.
"بانك قىزمەتكەرى ب-نىڭ ارەكەتى سالدارىنان ۇلتتىق قاۋىپسىزدىك ورگاندارىنىڭ استانا قالاسىنا اتىس قارۋى مەن وق-دارىلەردى جەتكىزۋ جولىن كەسۋگە باعىتتالعان ارنايى وپەراسيانىڭ بۇزىلۋىنا جول بەرىلدى. وسىلايشا، ب. ءوزىنىڭ قىزمەتتىك جاعدايىن پايدالانا وتىرىپ، سوتقا دەيىنگى تەرگەپ-تەكسەرۋدى جۇزەگە اسىراتىن ادامنىڭ قىزمەتىنە قاساقانا ارالاسقان. بۇل ۇلتتىق قاۋىپسىزدىك ورگاندارىنىڭ قىلمىستىق ءىستى الدىن الۋعا باعىتتالعان وپەراسيانىڭ جۇزەگە اسۋىنا ءقاۋىپ توندىرگەن"، دەلىنگەن استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ حابارلاماسىندا.
سوت تالقىلاۋى بارىسىندا سوتتالۋشى كىناسىن مويىندامادى، قورعاۋشى تاراپ ونى اقتاۋدى سۇرادى.
"سوتتالۋشىنىڭ كىناسى كۋاگەرلەردىڭ ايعاقتارىمەن، سوت ساراپتامالارى مەن مامانداردىڭ قورىتىندىلارىمەن دالەلدەندى. سوت ۇكىمىمەن ب. ءبىر جىل مەرزىمگە بانك قىزمەتى سالاسىندا بەلگىلى ءبىر لاۋازىمداردى اتقارۋ قۇقىعىنان ايىرىلا وتىرىپ، ءبىر جىلعا باس بوستاندىعىنان شەكتەلدى"، - دەلىنگەن سوت حابارلاماسىندا.
ۇكىم زاڭدى كۇشىنە ەنگەن جوق