ارمەنيا پرەمەر-مينيسترى نيكول پاشينيان ەريەۆاننىڭ ۇقشۇ-عا مۇشەلىگىن توقتاتقانىن مالىمدەدى. بۇل تۋرالى نيكول پاشينيان France 24 تەلەارناسىنا بەرگەن سۇحباتىندا ايتتى دەپ حابارلايدى almaty-akshamy.kz
سۇحباتتا نيكول پاشينيان ارمەنياعا قاتىستى ۇجىمدىق قاۋىپسىزدىك تۋرالى شارت ورىندالماعانىن اتاپ ءوتتى.
«ءبىزدىڭ ويىمىزشا، ارمەنياعا قاتىستى ۇجىمدىق قاۋىپسىزدىك تۋرالى شارت، اسىرەسە، 2021-2022 جىلدارى ورىندالمادى. . بۇل ماسەلە ءبىزدىڭ نازارىمىزسىز تىس قالمادى. ءبىز وسى شارتقا قاتىسۋىمىزدى توقتاتتىق. ءارى قاراي نە بولاتىنىن كورەيىك»، - دەدى پاشينيان سۇحباتىندا.
ارمەنياداعى رەسەي اسكەري بازاسىنىڭ جابىلۋى مۇمكىن دەگەن سۇراققا پاشينيان «قازىرگى ۋاقىتتا بۇل تۋرالى اڭگىمە جوق» دەپ مالىمدەدى.
كەرەك دەرەك
- ۇجىمدىق قاۋىپسىزدىك شارتى جايلى ۇيىم – تاۋەلسىز مەملەكەتتەر دوستاستىعىنىڭ اسكەري-ساياسي ۇيىمى. 1992 جىلى 15 مامىردا تاشكەنت قالاسىندا ارمەنيا، قازاقستان، قىرعىزستان، رەسەي، تاجىكستان جانە وزبەكستان ەلدەرىنىڭ قاتىسۋىمەن قۇرىلدى.
- ءقازىر ۇقشۇ-عا مۇشە مەملەكەتتەر: ارمەنيا، بەلارۋس، قازاقستان، قىرعىزستان، رەسەي جانە تاجىكستان.
- ۇيىمعا مۇشە-مەملەكەتتەردىڭ قىزمەتىندەگى باسىم باعىتتار: جاڭا ترانسۇلتتىق ايباتتار مەن قاۋىپتەرگە قارسى تۇرۋ، قاقتىعىستاردىڭ الدىن الۋ، حالىقارالىق لاڭكەستىكپەن، اگرەسسيۆتى ەكسترەميزممەن، قارۋ مەن ەسىرتكىنىڭ زاڭسىز اينالىمىمەن، ۇيىمداسقان قىلمىسپەن، جاپپاي قىرىپ-جويۋ قارۋىن تاراتۋمەن كۇرەس بولىپ تابىلادى.