جاستارعا دەگەن سەنىم مول
قازاقستاننىڭ ەڭبەك سىڭىرگەن قايراتكەرى، اكتەر ۇلان ءنۇسىپالى سايلاۋعا بارىپ، ازاماتتىق بورىشىن ورىندادى، دەپ حابارلايدى Almaty-akshamy.kz.
«كوكتەمنىڭ شۋاقتى كۇنىندە، ناۋرىز مەرەكەسى قارساڭىندا ەلىمىزدە ماڭىزدى ساياسي ناۋقان ءجۇرىپ جاتىر. تاڭەرتەڭنەن سايلاۋ ۋچاسكەلەرىنە حالىق اعىلىپ جاتقانىن كورىپ وتىرمىز. مەن دە ءوزىمنىڭ ازاماتتىق پارىزىمدى ورىنداۋ ماقساتىندا تۇركسىب اۋدانىنداعى №20 مەكتەپتەگى №477 سايلاۋ ۋچاسكەسىنە بارىپ داۋىس بەردىم. ءماجىلىس پەن ءماسليحات دەپۋتاتتارىن سايلاۋ وتە بەلسەندى ءوتىپ جاتىر. دەمەك، بۇل – حالىقتىڭ جاڭا قازاقستان قۇرۋعا دەگەن قۇلشىنىسىنىڭ كورىنىسى دەپ بىلەمىز. اركىم ءوز تاراپىنان ادىلەتتى، اشىق قوعام قۇرۋعا ۇلەسىن قوسۋى ءتيىس. ەلىمىزدىڭ بولاشاعى جاستاردىڭ قولىندا. «جاس كەلسە، ىسكە» دەمەكشى، مەملەكەتىمىزدى وركەندەتۋ ءۇشىن ايانبايتىن جاستار بيلىككە كەلسە ەكەن دەپ ويلايمىن»، - دەدى اكتەر ۇلان ءنۇسىپالى.