8 قاڭتاردا وڭىرلىك كوممۋنيكاسيالار قىزمەتىنىڭ الاڭىندا مەملەكەت باسشىسىنىڭ جاقىندا بەرگەن سۇحباتىندا ساراپتامالىق تالقىلاۋلار ءوتتى، وندا ول ىشكى جانە سىرتقى ساياسات ماسەلەلەرىن قوزعادى، سونداي-اق ەلدىڭ الەۋمەتتىك-ەكونوميكالىق دامۋىن قورىتىندىلادى.
ەستەرىڭىزگە سالا كەتەيىك، 3 قاڭتاردا "Egemen Qazaqstan" رەسپۋبليكالىق گازەتىندە قازاقستان پرەزيدەنتى قاسىم-جومارت توقايەۆتىڭ سۇحباتى جاريالانعان بولاتىن. «اسسامبلەيا جاستارى» رقب مۇشەسى، «قازاقستان ۇيعىر جاستارى وداعىنىڭ» ءتوراعاسى رۋستام قايرىيەۆ بۇل سۇحبات مەملەكەت باسشىسىنىڭ جىل سايىنعى جولداۋىمەن تەڭ ەكەنىن اتاپ ءوتتى، دەپ حابارلايدى Almaty-akshamy.kz.
«سۇحبات وتە اۋقىمدى، قىزىقتى جانە ءبارىن قامتىعان. مەملەكەت باسشىسى ءبىر جىل ىشىندە جيناقتالعان قوعامنىڭ بارلىق وزەكتى سۇراقتارىنا جاۋاپ بەردى. ءبىز پرەزيدەنتتىڭ 2023 جىلدىڭ قالاي وتكەنى، قانداي جەتىستىكتەر بولعانى، نە ىستەلگەنى جانە ت.ب. تۋرالى ويلارىن بىلدىك. جالپى، وتكەن جىل قازاقستان ءۇشىن باسقا ەلدەرمەن جەمىستى ىنتىماقتاستىق جىلى بولدى. مەملەكەت باسشىسى كوپتەگەن ەلدەردى ارالاپ، جاقسى كەلىسىمدەر جاسادى. ءاربىر وداق قازاقستان ءۇشىن ەكونوميكالىق ءال-اۋقاتقا اكەلەدى، بۇل بۇگىنگى تاڭدا بىزگە وتە قاجەت. قازىرگى ۋاقىتتا الەمدە ەكونوميكالىق، گەوساياسي وزگەرىستەر ورىن الىپ جاتقانىن ەسكەرسەك، قازاقستان بارلىعىمەن ناقتى پوزيسيا جاساۋدام»، - دەپ ءبولىستى ر.قايرىيەۆ.
ساراپشىلار وتكەن جىل قازاقستاننىڭ باسقا مەملەكەتتەرمەن حالىقارالىق ىنتىماقتاستىعىن نىعايتۋعا باعىتتالدى دەگەن پىكىرىمەن كەلىستى.
قوعام قايراتكەرى، قازاق ءتىلى ءپانىنىڭ وقىتۋشىسى الينا كان ءوز كەزەگىندە مەملەكەت باسشىسىنىڭ سۇحباتىن وقىپ، ماقالادا قوعامدى تولعاندىراتىن ماسەلەلەر قاراستىرىلعانىن اتاپ ءوتتى.
«سۇحباتىندا پرەزيدەنت ىشكى جانە سىرتقى ساياساتقا قاتىستى كوپتەگەن تاقىرىپتاردى قوزعادى. پرەزيدەنت تۇرمىستىق زورلىق-زومبىلىق ماسەلەسىنە توقتالدى. مەن بۇل سۇحباتتى بارلىعىنا وقۋعا كەڭەس بەرەمىن. اركىم ءوزىنىڭ كوپتەگەن سۇراقتارىنا جاۋاپ تابادى دەپ سەنەمىن»، - دەدى ا.كان.
تالقىلاۋدى جالعاستىرا وتىرىپ، اۋعان قاۋىمداستىعىنىڭ وكىلى ومار مۇحاممەدسارۋار وتكەن جىلى ساياسي رەفورمالار اياسىندا ەلدە وڭ قادامدار بولعانىن ايتتى. ول ماڭىزدى مەملەكەتتىك لاۋازىمدارعا جاڭا بۋىن مەنەدجەرلەرى تاعايىندالاتىنىن اتاپ ءوتتى.
«سۇحبات وتە كولەمدى، اۋقىمدى، مەن ونى بىرنەشە رەت قايتا وقىدىم. سۇحباتتا ادامداردى، سونىڭ ىشىندە ءبىزدى، جاستاردى قىزىقتىراتىن كوپتەگەن سۇراقتارعا جاۋاپتار بەرىلدى. مەن اسىرەسە جاستارعا اسەر ەتكەن وڭ وزگەرىستەردى اتاپ وتكىم كەلەدى. ماسەلەن، وتكەن جىلدىڭ قورىتىندىسى بويىنشا ءماجىلىس پەن ءماسليحات سايلاۋىندا جاستار، ايەلدەر جانە مۇگەدەكتىگى بار ادامدار ءۇشىن ارنايى كۆوتالار قولدانىلادى. سونىمەن قاتار، مينيسترلەردىڭ، ۆيسە-مينيسترلەردىڭ جانە ۆەدومستۆولاردىڭ باسشىلارىنىڭ لاۋازىمدارىنا جاستار كادرلىق رەزەرۆىنەن شىققان ادامدار تاعايىندالادى. مەنىڭ ويىمشا، ەلىمىزدىڭ قازىرگى ساياساتى، پرەزيدەنتىمىز تاڭداعان جول جاستارعا ۇلكەن مۇمكىندىكتەر اشادى»، - دەپ ءتۇسىندىردى ول.