جۋىردا ق ر ۇقك قۇرمەتتى قىزمەتكەرى، ۇقك ورگاندارىنىڭ ەڭبەك سىڭىرگەن ارداگەرى، «ق ر ۇلتتىق قاۋىپسىزدىك كوميتەتى ورگاندارىنىڭ ارداگەرلەرى» قوعامدىق بىرلەستىگىنىڭ الماتى قالاسى بويىنشا بۇرىنعى ءتوراعاسى پولكوۆنيك ابدۋمالىك رايىمقۇلوۆتى ەسكە الۋعا ارنالعان بيلياردتان تۋرنير ءوتتى.
اتالمىش شارا استانا قالاسىندا ۇيىمداستىرىلدى. تۋرنير «ق ر ۇلتتىق قاۋىپسىزدىك كوميتەتى ورگاندارىنىڭ ارداگەرلەرى» رەسپۋبليكالىق – قوعامدىق بىرلەستىگىنىڭ قولداۋىمەن جۇزەگە اسىرىلدى. وعان ابدۋمالىك رايىمقۇل ۇلىنىڭ كوزىن كورگەن، بىرگە قىزمەتتەس بولعان ءبىر توپ ارداگەرلەر كەلدى. گەنەرالدار: جانات جاراسوۆ، تۇرسىن ايجولوۆ، ناعاشىباي اتشاباروۆ جانە تاعى باسقالارى كەلدى.
الدىمەن جارىس باستالماي تۇرىپ، اق داستارحان جايىلىپ مارقۇمعا ارنالىپ قۇران باعىشتالدى. جينالعاندار پولكوۆنيك ابدۋمالىك رايىمقۇلوۆتى ەسكە الىپ، بىرگە قىزمەت اتقارۋ كەزىندەگى ەستەلىكتەرىمەن ءبولىستى.
- پولكوۆنيك ا. رايىمقۇلوۆتىڭ قىزمەتتىك جانە ومىرلىك باي تاجىريبەسى، كاسىبي جولى كوپتەگەن بۋىن قىزمەتكەرلەرى ءۇشىن وتانعا قىزمەت ەتۋدىڭ جارقىن ۇلگىسى بولىپ قالا بەرمەك. قاراپايىم، زيالى، ساۋاتتى ازامات بولاتىن، ادامگەرشىلىك قاسيەتى دە جوعارى ەدى. ونىڭ ەشقاشان بىرەۋگە داۋىس كوتەرىپ سويلەگەنىن كورگەنىم جوق،-دەيدى گەنەرال – مايور تۇرسىن ايجولوۆ.
ق ر ۇلتتىق قاۋىپسىزدىك كوميتەتى ورگاندارىنىڭ ارداگەرلەرى» رەسپۋبليكالىق – قوعامدىق بىرلەستىگىنىڭ ءتوراعاسى پولكوۆنيك كەنجەبولات بەكنازاروۆ تا ءوز ويىمەن ءبولىستى.
- ابدۋمالىك رايىمقۇل ۇلىنىڭ قازاسى بارلىعىمىزدىڭ قابىرعامىزدى قايىستىردى. بيىل 16 شىلدەدە سۇم اجال ارامىزدان ارداقتى ارداگەرىمىزدى الىپ كەتتى. كىممەن قىزمەت اتقارماسىن بارلىعى ونىڭ جاقسى قاسيەتتەرىن ەسكە الادى. اسىرەسە، الماتىداعى ارداگەرلەر ۇيىمىن جاقسى باسقاردى. بارلىق جۇمىستاردىڭ باسى-قاسىندا بولاتىن. ول ءبىزدىڭ ماڭگى جۇرەگىمىزدە،-دەپ ەسىنە الدى.
بيليارد تۋرنيرى تارتىستى ءوتتى. ارداگەرلەر ويىن كوركىن قىزدىرا ءتۇستى. تۋرنير سوڭىندا جەڭىمپازدارعا كۋبوك پەن گراموتالار جانە باعالى سىيلىقتار تابىس ەتىلدى.
- اكەمدى ەسكە الىپ كەلگەندەرىنە كوپ راحمەت. وسى شارا الداعى جىلدارى دا وسى جارىس ءوز جالعاسىن تاباتىنىنا سەنىمدىمىن. بارشالارىڭىزعا زور دەنساۋلىق، ۇزاق ءومىر تىلەيمىن. اعا بۋىن وكىلدەرىنە مىڭ العىس،-دەگەن سوزدەرمەن ۇلى ازات رايىمقۇلوۆ شارانى قورىتىندىلادى.