پاۆلوداردا بىلتىر 90-عا جۋىق وتباسى اتا-انا باقىتىنا كەنەلدى، دەپ حابارلادى اlmaty-akshamy.kz turkystan.kz -كە سىلتەمە جاساپ.
پاۆلودار وبلىسى دەنساۋلىق ساقتاۋ باسقارماسىنىڭ مالىمەتىنشە، وتكەن جىلى ايماق بويىنشا 281 جۇپ ەكستراكورپورالدى ۇرىقتاندىرۋ پروسەدۋراسىنان وتكەن.
ەكۇ ىسكە اسىرۋ كەزىندە اۋىل تۇرعىندارىنا كوپ كوڭىل ءبولىندى. «اڭساعان ءسابي» مەملەكەتتىك باعدارلاماسى بويىنشا بەرىلەتىن كۆوتانى اۋدانداردان كەلگەن 75 ەرلى-زايىپتى العان. وبلىس ورتالىعى مەن قالا ماڭىنداعى اۋىلداردىڭ تۇرعىندارىنا 103 كۆوتا بەرىلسە، اقسۋعا 16، ەكىباستۇزدا 87 جۇپ كۆوتاعا يە بولعان.
«بارلىق ەرلى-زايىپتىلار باعدارلامانى اياقتادى.ونىڭ ىشىندە وڭ ناتيجەگە قول جەتكىزىپ، اتا-انا باقىتىنا قول جەتكىزگەن 86 جۇپ بار. ولاردىڭ اراسىنان ەكى وتباسىندا ەگىزدەر دۇنيەگە كەلدى. وكىنىشكە قاراي، 161 جۇپ تەرىس ناتيجە السا، قالعان 34ء-ى كۇتۋ كەزەڭىندە»، – دەلىنگەن باسقارما بەرگەن اقپاراتتا.
2021 جىلى الماتى جانە استانا مەديسينالىق ورتالىقتارىنا ەكۇ تەگىن جۇرگىزۋ ءۇشىن وڭىرگە 290 كۆوتا بولىنگەن. ولاردىڭ ىشىندە ەرلى-زايىپتىلاردىڭ 38،6%-ى وڭ ناتيجەگە قول جەتكىزىپ وتىر. ونىڭ اراسىندا ءۇش ەگىز بەن ەكى ۇشەم دۇنيەگە كەلدى.
ق ر دەنساۋلىق ساقتاۋ مينيسترلىگى ەكۇ باعدارلاماسىنىڭ 11 جىلىندا پاۆلودار وبلىسىنا 335 كۆوتا بولگەن.