قازاقستاندا تاعى ءبىر ەلدى مەكەن ىشىمدىكتەن باس تارتتى، دەپ حابارلايدى aqshamnews.kz
اقمولا وبلىستىق پروكۋراتۋراسىنىڭ مالىمەتىنشە، اقمولا وبلىسى جارقايىڭ اۋدانىنىڭ دالاباي اۋىلىندا اۋىل تۇرعىندارىنىڭ كەزدەسۋى وتكەن. ءىس-شارانىڭ نەگىزگى تاقىرىبى اۋىل اۋماعىندا الكوگول ونىمدەرىن ساتۋدان ەرىكتى تۇردە باس تارتۋ بولدى.
"بۇل باستاما اۋىل اقساقالدارىنىڭ قولداۋىنا يە بولىپ، ولار مورالدىق قۇندىلىقتاردى، قوعامدىق ءتارتىپ پەن ءوسىپ كەلە جاتقان ۇرپاقتىڭ قاۋىپسىزدىگىن ساقتاۋ ماڭىزدىلىعىن اتاپ ءوتتى. كەزدەسۋ قورىتىندىسى بويىنشا تۇرعىندار دەنى ساۋ جانە ءقاۋىپسىز ورتا قۇرۋعا دەگەن ۇمتىلىستى بەكىتكەن حاتتاماعا قول قويدى"، - دەلىنگەن حابارلامادا.
پروكۋراتۋرا مالىمەتىنشە، مۇنداي باستامالار قازاقستاننىڭ ءتۇرلى وڭىرلەرىندە ىسكە اسىرىلىپ جاتىر.
"كەيبىر وڭىرلەردە سوڭعى بىرنەشە جىلدا بىردە-بىر قىلمىس تىركەلمەگەن، بۇل ءوز كەزەگىندە اتالعان باستامالاردىڭ قوعامدىق ءتارتىپ پەن قاۋىپسىزدىككە وڭ اسەرىن كورسەتەدى".