سۋ ۇنەمدەۋ تەحنولوگيالارىن قولدانۋ ناتيجە بەردى.
بۇگىندە تەڭىزدەگى سۋدىڭ جالپى كولەمى 22 ميلليارد تەكشە مەترگە جەتتى، دەپ حابارلايدى aqshamnews.kz
قىزىلوردا وبلىسىنىڭ شارۋالارى سۋ ۇنەمدەۋ تەحنولوگيالارىن ەنگىزۋدىڭ ناتيجەسىندە 200 ملن تەكشە مەترگە جۋىق سۋ ۇنەمدەدى. بۇل سۋ ارال تەڭىزىنە جىبەرىلدى.
سۋ رەسۋرستارى جانە يرريگاسيا مينيسترلىگىنىڭ مالىمەتىنشە، بيىل ءوڭىردىڭ ديحاندارى 55 مىڭ گەكتار كۇرىش القابىندا سۋ ۇنەمدەۋ تەحنولوگيالارىن قولداندى. قىزىلوردا وبلىسىنداعى كۇرىش القاپتارىنىڭ جالپى اۋدانى – 84 مىڭ گەكتار.
وسىلايشا، 2024 جىلعى سۋارۋ ماۋسىمىندا تەڭىزگە شامامەن 1 ملرد تەكشە مەتر سۋ جىبەرىلدى. بۇل وتكەن جىلمەن سالىستىرعاندا 3 ەسە كوپ.
جىل باسىنان بەرى سولتۇستىك ارالعا شامامەن 2 ملرد تەكشە مەتر سۋ جىبەرىلدى. بۇگىندە تەڭىزدەگى سۋدىڭ جالپى كولەمى 22 ميلليارد تەكشە مەترگە جەتتى.
«سۋ ديپلوماتياسى مەن ورتالىق ازياداعى ارىپتەستەرىمىزبەن تىعىز جۇمىستان بولەك، ارال تەڭىزىنە سۋ جىبەرۋگە ۇنەمدى تەحنولوگيالاردى ەنگىزۋ دە ماڭىزدى ءرول اتقارادى. ولاردى قولدانۋ جۇزدەگەن ملن تەكشە مەتر سۋ ۇنەمدەۋگە جانە ونى تەڭىزگە باعىتتاۋعا مۇمكىندىك بەرەدى. ول ءۇشىن ءبىز شارۋالاردىڭ سۋ ۇنەمدەۋ تەحنولوگيالارىن ەنگىزۋگە جۇمساعان شىعىندارىن سۋبسيديالاۋ كولەمىن 50%-دان 80%-عا دەيىن ۇلعايتتىق. الداعى ءۇش جىلدا سۋ ۇنەمدەۋ تەحنولوگيالارىمەن سۋارمالى سۋدى پايدالاناتىن شارۋا قوجالىقتارى ءۇشىن سۋبسيديا مولشەرى 50%-دان 85%-عا دەيىن ۇلعايادى»، -دەدى ۆەدومستۆو باسشىسى نۇرجان نۇرجىگىتوۆ.