Almaty-akshamy.kz سايتىندا بۇگىن جارىق كورگەن جاڭالىقتارعا شولۋ – كۇن كەرۋەنى
پرەزيدەنتتىڭ شىعىسقا ساپارى
قاسىم-جومارت توقايەۆ شىعىس قازاقستان وبلىسىنا جۇمىس ساپارىمەن باردى. ساپار اياسىندا مەملەكەت باسشىسى وسكەمەن قالاسىنداعى كوپبەيىندى ونكولوگيا جانە حيرۋرگيا ورتالىعىنىڭ بازاسىندا اشىلعان ساۋلەلىك تەراپيا جانە دياگنوستيكا ورتالىعىنا باردى. سونىمەن قاتار د.سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىنە بارىپ، جوعارى وقۋ ورنىنىڭ قىزمەتىمەن تانىستى جانە ونىڭ بازاسىندا قۇرىلعان «لۋ بان شەبەرحاناسى» وقۋ ورتالىعىن ارالاپ كوردى.
توقايەۆ ەردوعاندى قۇتتىقتادى
رەجەپ تاييپ ەردوعاندى 70 جاسقا تولعان مەرەيتويىمەن قۇتتىقتاپ، ىزگى تىلەگىن جەتكىزگەن قاسىم-جومارت توقايەۆ ونىڭ كورەگەن ساياساتى مەن قاجىرلى ەڭبەگىنىڭ ارقاسىندا باۋىرلاس ەلدىڭ ودان ءارى قارقىندى دامىپ، حالىقارالىق قوعامداستىقتاعى بەدەلى ارتا تۇسەتىنىنە سەنىم ءبىلدىردى. سونىمەن قاتار تاراپتار قازاقستاننىڭ تۇركى مەملەكەتتەرى ۇيىمىنا ءتوراعالىعى كەزىندەگى كۇن ءتارتىبىنىڭ جۇزەگە اسىرىلۋ بارىسىن تالقىلادى.
قاراعاندىدا زاۋىت ورتەندى
زارداپ شەككەندەر جوق. ءورت 08.22-دە تولىعىمەن ءوشىرىلدى. ق ر توتەنشە جاعدايلار مينيسترلىگىنىڭ حابارلاۋىنشا، ساعات 06:32-دە قاراعاندى قالاسىنىڭ ءا.بوكەيحانوۆ اۋدانىندا «پارحومەنكو اتىنداعى قاراعاندى ماشينا جاساۋ زاۋىتى» ج ش س اۋماعىندا سەح شاتىرىنىڭ اعاش جابىنى ورتەندى.
ارالدى سەكسەۋىل قۇتقارا ما؟
تەڭىزدىڭ ۇلتانىنا 10 000 سەكسەۋىل كوشەتى وتىرعىزىلادى. بۇل جوبا ارال تەڭىزىنىڭ ەكوجۇيەسىن قالپىنا كەلتىرۋگە اتسالىسۋدى كوزدەيدى. 1-3 ناۋرىز كۇندەرى قازاقستاندا ەرىكتىلەردىڭ العاشقى ەكولوگيالىق جوباسى باستالادى.
جوبانى ق ر ەكولوگيا مينيسترلىگى، قىزىلوردا وبلىسىنىڭ اكىمدىگى جانە حالىقارالىق ارالدى قورعاۋ قورى مەن AlmaU ۋنيۆەرسيتەتىنىڭ ماماندارى ۇيىمداستىرادى.
سەگىزىنشى سايلاۋ
بەلارۋس پرەزيدەنتى الەكساندر لۋكاشەنكو 2025 جىلعى بەلارۋس پرەزيدەنتى سايلاۋىنا قاتىساتىنىن مالىمدەدى. ەل پرەزيدەنتى جانە قارۋلى كۇشتەردىڭ باس قولباسشىسى قىزمەتىندەگى الەكساندر لۋكاشەنكو 1994، 1999، 2001، 2006، 2010، 2015، 2020 جىلداردا وتكەن سايلاۋلاردىڭ بارىنە قاتىسقان. ول قاتارىنان سەگىزىنشى مەرزىم سايلاۋعا تۇسپەك.
72 ملرد تەڭگەنىڭ شۇلىعى
وتكەن جىلدىڭ جەلتوقسانىندا قازاقستاندىقتار 72 ملرد تەڭگەنىڭ شۇلىعىن كيىپتى. ماماندار بۇل كورسەتكىش 2022 جىلدىڭ جەلتوقسانىمەن سالىستىرعاندا 18 ەسە كوپ ەكەنىن ايتادى.
«ونىمدەردىڭ تۇگەلگە جۋىعى شەتەلدەن كەلەدى. دوللارمەن ەسەپتەگەندە، ءبىر ايدا شۇلىق بۇيىمدارى يمپورتىنىڭ كولەمى 157 ميلليوندى قۇراعان. بۇل 2022 جىلعى جەلتوقسانمەن سالىستىرعاندا، 20 ەسەگە كوپ. سونىڭ تۇگەلگە جۋىعى قىتايدان كەلگەن ماقتا شۇلىق بۇيىمدارىنىڭ ۇلەسىنە تيەدى – 20،3 ميلليون جۇپ»، - دەلىنگەن حابارلامادا.
جۇما نامازى نەشەدە وقىلادى؟
1 ناۋرىزدان باستاپ ءبىر ۋاقىت بەلدەۋىنە كوشۋىنە بايلانىستى جۇما نامازىن وقۋ ۋاقىتى وزگەرەدى. مۇنداي شەشىم 21 اقپاندا وتكەن قمدب عۇلامالارىنىڭ كەڭەسىندە قابىلداندى.
جۇك كولىكتەرىنە شەكتەۋ ەنگىزىلەدى
رەسپۋبليكالىق ماڭىزى بار جولداردى قىستان كەيىن ساقتاۋ جانە كۇتىپ ۇستاۋ ءۇشىن ءبىر وسكە جۇكتەمەسى 8 توننادان اساتىن اۆتوكولىك قۇرالدارىنىڭ قوزعالىسىن ۋاقىتشا شەكتەۋ ەنگىزىلەدى. اتالعان ۋاقىتشا شەكتەۋ شارالارى 1 ناۋرىزدان 1 ساۋىرگە دەيىن قولدانىلادى.
بيشىمبايەۆتىڭ ءىسى سوتقا جىبەرىلدى
بۇل تۋرالى زارداپ شەككەن تاراپتىڭ قورعاۋشىلارى مالىمدەدى. بۇعان دەيىن ىشكى ىستەر ءمينيسترىنىڭ ورىنباسارى بارلىق سوت مەديسينالىق ساراپتاما اياقتالعان سوڭ عانا ءىس سوتقا جىبەرىلەتىنىن ايتقان. قۋاندىق بيشىمبايەۆ ايەلى سالتانات نۇكەنوۆانى «قاتىگەزدىكپەن ءولتىردى» دەگەن كۇدىكپەن قامالعان بولاتىن. وقيعا 2023 جىلى 9 قاراشادا استانا قالاسىنداعى «BAU» مەيرامحاناسىندا بولعان.
بوكسشى پرەزيدەنت
گەنناديي گولوۆكين ۇلتتىق وليمپيادا كوميتەتىنىڭ پرەزيدەنتى بولىپ سايلاندى. قوعامدىق بىرلەستىكتىڭ باسشىسىن سايلاۋ جابىق ەسىك جاعدايىندا ءوتnءى. وعان جۋرناليستەر شاقىرىلعان جوق. بىلتىر گەنناديي گولوۆكين رەسمي تۇردە IBO تۇجىرىمى بويىنشا ورتا سالماقتاعى الەم چەمپيونى اتاعىنان باس تارتتى. بۇل ونىڭ وسى كەزگە دەيىنگى سوڭعى اتاعى ەدى.