ىلە-بالقاش قورىعىنان 14،5 توننا سەكسەۋىل تۇقىمى قىزىلوردا وبلىسىنا جونەلتىلەدى
ولاردى جيناۋ ءۇشىن الماتى وبلىسىنداعى ۇلتتىق پارك پەن قورىقتارىنىڭ ماماندارى جۇمىلدىرىلدى. جۇمىستار شامامەن ءبىر ايعا سوزىلدى. تۇقىم ارال تەڭىزىنىڭ تارتىلىپ كەتكەن تۇبىنە ەگىلەدى، دەپ حابارلايدى Almaty-akshamy.kz
بۇل توپىراقتى نىعايتۋ جانە ورتالىق ازيا ايماعىنا جايىلعان «تۇزدى داۋىلدار» سانىن ازايتۋ ءۇشىن قاجەت. سەكسەۋىل اۋقىمدى اۋماققا وتىرعىزىلاتىندىقتان، وتاندىق عالىمدار اۆياسيانى پايدالانۋدى ۇسىندى. تۇقىمدار تەڭىزگە ارنايى تەحنيكامەن جابدىقتالعان ۇشاقتاردان شاشىلادى. سەكسەۋىل ەگۋ «قازاۋەورمانقورعاۋ» مەكەمەسىنە تاپسىرىلىپتى. جوباعا ارناپ ان-2 ءتيپتى 4 ۇشاقتى پايدالانۋ جوسپارلانۋدا. اەروسەبۋ بيىل جەلتوقسان ايىنىڭ باسىندا باستالۋى ءتيىس.
«ورمان القابىن انىقتاۋ بارىسىندا ورماننان تۇقىم جينالاتىن ۋچاسكەنى انىقتاعاننان كەيىن ول ۋچاسكەدەن ۇلگى الىنىپ، ارنايى زەرتحاناعا تەكسەرۋگە جىبەرىلەدى. زەرتحانانىڭ بەرىلگەن سىنىپ-ساپاسىنا سايكەس، ءبىرىنشى، ەكىنشى، ءۇشىنشى كلاسس نەمەسە سەبۋگە بولمايدى دەگەن انىقتاما بەرىلەدى»، - رەسپۋبليكالىق ورمان سەلەكسيالىق تۇقىم ءوسىرۋ ورتالىعى وڭتۇستىك-شىعىس ايماق وكىلى عاني تۇرىقبايەۆ.
ايتا كەتەيىك، سەكسەۋىل ەگۋ جۇمىستارى پرەزيدەنت قاسىم-جومارت توقايەۆ جاريالاعان ەل اۋماعىنا جاسىل جەلەك ەگۋ بويىنشا اۋقىمدى باعدارلاما اياسىندا جۇرگىزىلۋدە. جوسپار بويىنشا، ءتورت جىل ىشىندە قازاقستاندا 2 ملرد اعاش وتىرعىزىلماق.