الماتىنىڭ مەدەۋ اۋ مەن دانىندا اقىلى اۆتوتۇراقتار قايتا جۇمىس ىستەي باستايدى، دەپ حابارلايدى Almaty-akshamy.kz
بيىل 11 قىركۇيەكتەن باستاپ الماتى قالاسىنىڭ مەدەۋ اۋدانىنداعى اۆتوتۇراقتارعا اقى تولەۋ جۇيەسى ىسكە قوسىلادى. ءبىر ساعاتتىڭ قۇنى – 100 تەڭگە.
تروتۋار تۇرىندەگى اۆتوتۇراقتار 2023 جىلعى 15 شىلدەدەن 2023 جىلعى 11 قىركۇيەككە دەيىن تەگىن بولدى، ويتكەنى اقىلى تۇراقتاردىڭ جاڭا ءبىرىڭعاي وپەراتورى – «الماتى پاركينگ» باعدارلامالىق قامتاماسىز ەتۋگە قوسىلماعان.
مەدەۋ اۋدانىندا جاڭا جاڭارتىلعان اقپاراتتىق تاقتايشالار بويىنشا بارلىعى 12 تۇراق ايماعى جۇمىس ىستەيدى، ونىڭ 4828ء-ى تروتۋار تۇراعى، 360-ى مۇگەدەكتەرگە ارنالعان ورىن. اقىلى اۆتوتۇراقتىڭ جۇمىس رەجيمى – كۇن سايىن ساعات 8:00-دەن 19:00-گە دەيىن.
كوك بازار ماڭىنداعى №6547 تۇراق ايماعىنىڭ ءتاريفى ساعاتىنا 150 تەڭگە.
اۆتوتۇراق ءۇشىن تولەمدى بىلاي جاساۋعا بولادى:
- «الماتى اۆتوتۇراقتارى» ءموبيلدى قوسىمشاسى ارقىلى مينۋتىنا. بۇل قوسىمشانى تەلەفونعا Play Market جانە Apple Store دۇكەندەرىنەن جۇكتەۋگە بولادى؛
- almaty-parking.kz سايتى ارقىلى
- Kaspi.kz ءموبيلدى قوسىمشاسى ارقىلى اقپاراتتىق تاقتاداعى QR-كود بويىنشا.
ەستەرىڭىزگە سالا كەتەيىك، بۇرىنعى A-Parking وپەراتورى 2023 جىلدىڭ 15 شىلدەسىنەن باستاپ اقىلى اۆتوتۇراقتارعا قىزمەت كورسەتۋدى توقتاتتى. اۆتوتۇراقتارعا قىزمەت كورسەتۋ بويىنشا بارلىق وكىلەتتىك الماتى اكىمدىگىنە، اتاپ ايتقاندا الماتى قالاسى قالالىق موبيلدىلىك باسقارماسىنىڭ «الماتى پاركينگ» شارۋاشىلىق جۇرگىزۋ قۇقىعىنداعى كوممۋنالدىق مەملەكەتتىك كاسىپورنىنا بەرىلدى.
جەرگە اكتىلەر ءار اۋدان بويىنشا جەكە دايىندالادى، وسىعان بايلانىستى اقىلى كوممۋنالدىق تۇراقتاردى ىسكە قوسۋ كەزەڭ-كەزەڭىمەن جۇرگىزىلەدى.
جاڭا اقپاراتتىق تاقتالاردا وپەراتور، ايماق ءنومىرى، تۇراق ۋاقىتى جانە تولەم ادىستەرى كورسەتىلەدى. ءبىرىنشى مەدەۋ اۋدانىندا باستالدى، جىل سوڭىنا دەيىن قالانىڭ قالعان اۋداندارى قوسۋ جوسپارلانىپ وتىر: المالى – 9 قازان، بوستاندىق – 23 قازان، تۇركسىب جانە جەتىسۋ – 6 قاراشا، اۋەزوۆ، الاتاۋ، ناۋرىزباي اۋداندارى – 2023 جىلعى 25 جەلتوقسانعا دەيىن.