ساۋىسقان شىنىدان سۋ ءىشۋ ءۇشىن ارحيمەد زاڭىن قولداندى.
كەرەك دەرەك
رەسپۋبليكامىزدىڭ بارلىق ايماعىندا باسقا كۇستارمەن قاتار ساۋىسقان دا تىرشىلىك ەتەدى. ولار باسقا قۇستاردان جەكەلەنىپ، وزدەرى عانا توپتاسىپ جۇرەدى.
ساۋىسقانداردىڭ ءبىر ەرەكشەلىگى - ەلدى مەكەندەرگە ءۇيىر كەلەدى. اسىرەسە، قىستى كۇندەرى اۋىلدىڭ ماڭىنان كەتپەيدى. ال كەيدە ولاردىڭ ءتىپتى ۇلكەن قالالاردا دا ۇشىپ جۇرگەنىن كورۋگە بولادى. قىستاپ قالعان ساۋىسقاندار تاڭەرتەڭ ويانىپ، ۇساق توپ قۇرىپ نەمەسە جەكەلەنىپ قالا ماڭىنداعى قوقىستارعا، جۋىندى-شايىندى توگىلگەن جەرلەرگە بارىپ، قورەك ىزدەستىرەدى. كەشكە قاراي اۋىل ماڭىنا، قالاعا ۇشىپ كەلىپ، تۇنەيدى.
ساۋىسقان قورەك تالعامايدى. نەگىزگى قورەگى - جاندىكتەر. كەيدە ۇساق قۇستاردىڭ جۇمىرتقاسىمەن، قىزىلشاقا بالاپاندارىمەن دە قورەكتەنەدى.
ونىڭ جىلتىراعان ادەمى زاتتاردى ۇياسىنا تاسىپ جينايتىن ادەتى بار.