قازىرگى كەزدە جولاۋشىلارعا ىستىق تاماق جەتكىزىلدى.
توتەنشە جاعداي بۇگىن ءبىرشوعىر ستانسياسىندا بولعان.
زارداپ شەككەندەر جوق.
«مانيەۆرلىك لوكوموتيۆ «بىشكەك-سامارا» باعىتىندا قاتىنايتىن №317 جولاۋشىلار پويىزىنىڭ تەپلوۆوزىمەن سوقتىعىسقان. زارداپ شەككەندەر جوق. جولاۋشىلار پويىز قۇرامىنداعى باسقا ۆاگوندارعا اۋىستىرىلدى"، - دەپ حابارلايدى «قتج ۇك» اق باسپا ءسوز قىزمەتى.
وقيعا ورنىندا شالقار ستانسياسىنىڭ قالپىنا كەلتىرۋ پويىزىنىڭ كۇشىمەن جۇمىستار جۇرگىزىلۋدە. وقيعانىڭ ورىن الۋى سەبەپتەرىن «قتج» ۇك» اق كوميسسياسى تەكسەرەدى. الدىن العى بولجام بويىنشا – كىنارات مانيەۆرلىك لوكوموتيۆ بريگاداسىنان بولعان.
قازىرگى كەزدە رەلستەن شىققان «بىشكەك-سامارا» پويىزىنىڭ جولاۋشىلارىنا ىستىق تاماق جەتكىزىلدى. ولاردى دارىگەرلەر دە قاراپ شىقتى.